Warren (已結業)

warren 系我最喜爱既西餐三甲之选，位于大坑隐蔽位置，感觉份外宁静。✨晚市有两款dinner set, 同散叫既menu~~款式唔算多，但贵精不贵多。✨日本刺身带子配黑鱼子，红加仑子啫哩：带子大大粒煎香过，食落鲜嫩又弹牙🤤。铺底既红加仑子啫哩味道几特别，除左酸酸甜甜既果味，仲带有酒香～质感非常弹口。连伴碟既提子，车厘茄都好fresh 好多汁，侧边既蕃茄青瓜沙沙好味又开胃。仲有最吸睛系块树叶形状嘅饼干，食落甜甜的。✨蟹肉芒果沙律：呢个卖相超靓，味道仲好特别。下面个脆面底真系劲香口松脆，配埋劲甜既芒果同蟹肉超好味！👍呢个沙律真系创意之作✨香煎石斑鱼配提子牛油汁:呢个石斑好厚肉，同埋鲜味弹牙， 提子牛油汁甜甜地几得意。铺底既茄子，瓜粒同薯仔片配上酸酸既茄酱几好味。✨烧纽西兰羊架配芥茉籽烧汁： 个羊架好香，烧得啱啱好，切开仲好粉嫩🤤加埋个烧汁好好味。个焗薯仲超好味，入面一层层咁仲好香芝士味添。今餐每一道菜都好好味，食材高质卖相非常精致，不过份量就偏小，实在太好味好想继续encore。