影片
更多
2014-10-06
1258 浏览
今日搭车到Megabox食晚饭兼行街！去到黄昏6点几！餐厅都未开始有人潮！唔使等位！餐厅对住蹓冰场！好光猛开扬！可惜对住蹓冰场嘅位置已经满了！我被安排坐近尽头一个凹位，凹位只可放一张四人枱，自成一角！不过附近嘅枱都好近！叫了：红烧牛肉+卤水鸡翼汤面--红烧牛肉两件！炆得入味，唔嚡！鸡翼反而有点失望，虽然炆到骨肉分离，但肉质较嚡！汤底够浓，面条粗幼不一，不过较粉！盐酥拼盘（鸡件、豆腐、花枝丸）--参考相片系一只碟分三小堆放！但上菜就一大堆散晒捞乱晒！食物即炸，外脆内软，外面椒盐好惹味，点埋酸汁食会无咁干，无咁热气！跟餐前菜--即系桂花糖车厘茄（唔睇单都唔知系桂花糖）因为个汁实在食唔出！个味好怪，好溢！唔系甜亦唔系酸！一阵味！我同肥髀都系食咗一粒就无食！唯一系车厘茄系新鲜嘅！（其实⋯你比新鲜车厘茄我仲好）餐饮：蜂蜜绿茶珍珠--绿茶唔会过甜，珍珠烟韧，唔会硬！（平常自己唔会叫台式饮品加珍珠，因为好多时都系偏硬）跟餐：绿豆沙，好浓，足料！绿豆煲到烂，仲有几片海带！唔会过甜！而且够热！食物其实都唔错，但服务真系唔得！大堂都有廿几张枱，眼见得四个店员，人手唔系好够，所以每次都要吊起个头，举手一阵先
叫了：
红烧牛肉+卤水鸡翼汤面--红烧牛肉两件！炆得入味，唔嚡！鸡翼反而有点失望，虽然炆到骨肉分离，但肉质较嚡！汤底够浓，面条粗幼不一，不过较粉！
盐酥拼盘（鸡件、豆腐、花枝丸）--参考相片系一只碟分三小堆放！但上菜就一大堆散晒捞乱晒！食物即炸，外脆内软，外面椒盐好惹味，点埋酸汁食会无咁干，无咁热气！
跟餐前菜--即系桂花糖车厘茄（唔睇单都唔知系桂花糖）因为个汁实在食唔出！个味好怪，好溢！唔系甜亦唔系酸！一阵味！我同肥髀都系食咗一粒就无食！唯一系车厘茄系新鲜嘅！（其实⋯你比新鲜车厘茄我仲好）
餐饮：蜂蜜绿茶珍珠--绿茶唔会过甜，珍珠烟韧，唔会硬！（平常自己唔会叫台式饮品加珍珠，因为好多时都系偏硬）
跟餐：绿豆沙，好浓，足料！绿豆煲到烂，仲有几片海带！唔会过甜！而且够热！
食物其实都唔错，但服务真系唔得！大堂都有廿几张枱，眼见得四个店员，人手唔系好够，所以每次都要吊起个头，举手一阵先有人理，我坐低叫完食物，个中年女店员回来话餐饮无爆珠，叫我要净蜂蜜绿茶得唔得？我话咁你比珍珠或者玉露我得唔得？佢就话无玉露，咁比珍珠我（佢点解会一开始嘅念法，就系扣去爆珠变清茶，唔系换另一样配料比我呢？）
因为个面好快上！我同肥髀面都食晒，但个小食都未来，我咪举手问落单个中年女店员（应该系佢负责我𠮶区）：我个E10小食未到？佢即刻话：加一个小食！「加一个？」连肥髀都即刻话唔系加！但佢已经走开咗！我要特登走到落单电脑度再重申，系叫咗未到，唔系加单，佢又话：「知道，要炸嘛！所以会耐啲！」我忍唔住串佢，话隔离两枱迟过我到，我都见到炸物已到！如果厨房顺落单次序做,都唔系炸物要耐啰！唔好顺口应咗我就算喇！讲句「我去跟跟」仲实际！
到碌卡埋单（亦系中年阿姐经手）之后我回到家，先望到张单内嘅食物唔系我点嘅，价钱亦唔同！但碌卡单就用我张卡过了数！即系我帮其他枱嘅客埋了单！（我知我都有责任，系无对单）我咪即刻打电话比餐厅讲返件事，个经理都好理解，话今晚对了单，叫我第二日去餐厅，佢退番差价比我！
（今日我去餐厅，揾个店员讲一声，佢即刻退回三十几蚊差价比我！亦好好礼貌讲唔好意思！讲真如果我住得远都唔会为呢三十几蚊去多次（车钱都蚀埋）不过件事唔可以怪晒餐厅！佢嘅解决态度亦好好！）
件事顺利解决，但讲真服务真系好乱！可能某店员要再培训！
张贴
