釗記海鮮小菜

营业中

休息中

今日钓完鱼攞住啲泥鯭，嚟到大埔街市熟食中心，见四周都好多人，最终因为唔驶等位去咗食评唔系咁好嘅钊记，谂住未必咁好彩试一试佢，打算加工椒盐泥鯭、再叫两个小菜（叫咗豉椒炒蚬同豉椒鹅肠）同啤酒咁。店内一个四眼妹话加工70蚊一斤，我多咗一両，一系俾番两条泥鯭我一系加10蚊，我有啲愕然但订价系咁就真系无话可说，只好收回两条泥鯭。之后，我向店内一个四眼仔叫一支大青岛啤酒，同佢讲我带咗支白酒，要求俾冰桶，有其他客人要用我即时交还，四眼仔话ok，之后亲自攞一个装有冰粒，冻水同一支大青岛嘅胶桶俾我。之后，店内一个70余岁嘅阿姐攞碟椒盐泥鯭嚟，大声讲：「我一桶油二百几返嚟，真系蚀俾你呀！」我再次愕然，咁算唔算侮辱客人？！你舖头都写明椒盐加工每斤70，你用二千蚊桶油唔通又怪我呀？？食晒碟鱼同蚬，饮完啲酒好耐都未见碟鹅肠，我问四眼仔有冇漏单，我话漏单唔要了，四眼仔好诚实，话冇落单，我就取消了。埋单时我睇吓有冇收多钱，俾我发现多收了二十蚊，70阿姐话冰桶要加收，最近开始，我话一早同我讲要加收，我心甘命抵，餐牌、店面冇写埋单唔出声，我唔check单都唔知。喺度希望大家惠顾此店必须小心，清楚收费内容，之前滥收费用嘅