沙龍餐廳 (已結業)

由于住近乐富吉之岛，我同老公都会经常去沙龙餐厅食饭，一来方便，二来通常都唔驶等位。好食推介︰1. 韩式牛肉石头锅饭- 如果怕辣既(好似我咁)可以将泡菜拣走先落汁，通常我都要多一个汁，会好味D。落左汁之后要尽快搅，如果唔系就会有饭焦。个锅好热，牛肉同埋D汁好好味，虽然系好大碗，但系我一个女仔都可以食得哂。2. 蒙古烤牛肉定食- 上菜时会有炉keep住D牛肉热，加埋D酱汁如垫牛肉下面既椰菜，真系好味。3. 白汁焗海鲜长通粉- 虽然系细碟，但系即叫即焗，上台时劲热，海鲜有青口、鱼柳、鱿鱼，热辣辣既长通粉好正，细细碟哂女仔食。4. 吉烈猪柳定食- 老公至爱，猪柳唔干，配酱汁捞饭食超正，以前有芝麻俾你自己磨仲好玩。比起POKKA CAFE(位少、要等位、装修完D装饰好似仲差过以前)，沙龙价钱比较平D。虽然款式比较少，但样样都可以保持水准，而且服务态度好(门口Receptionist除外)，会主动问你有咩需要同加水，所以我地通常都去沙龙食。