影片
更多
2015-06-14
2264 浏览
::: 二人世界食漫长怀石料理 :::9月5日, 呀菲呀比拍拖12周年纪念大餐! 因为家有新生儿嘅关系, 我地两个都好少夜妈妈出街二人世界啦~ 就趁今晚呢个特别日子, 特登book咗出名食怀石料理嘅呢度叹番一餐美味嘅晚餐~::: 葵 怀石 ::: $980::: 前菜 :::左起细细杯嘅系烧松茸 黄韭 菠菜卷 鲣鱼汁, 其实即系少少菇少少菠菜少少黄韭捞埋鲣鱼汁嘅冷菜~ 菠菜十分鲜嫩, 咸咸鲜鲜的几开胃.左二系自家制鹅肝玉子豆腐并新鲜无花果, 呢个玉子豆腐好特别, 食落蛋味颇浓, 但又好滑, 入面渗出淡淡嘅鹅肝味. 新鲜无花果香甜, 为玉子豆腐更添甜美~左三系网烧牛肉寿司球 莲根煎饼, 好有趣的用网烧牛肉片包著的波波寿司, 还有一片用莲藕做的薄薄煎饼, 网烧牛肉肉质软嫩, 但牛味不算重, 呢件普通.最右边系馒鱼橄榄串, 好fusion嘅前菜, 又鳗鱼又橄榄咁. 但由于两样食物呀菲本身都麻麻地, 所以只系觉得一般般...::: 寿司 :::三件火炙寿司, 分别有吞拿鱼腩、鹅肝、松茸.一定要赞吞拿鱼腩, 系我食过最油润之一款嘅大拖罗! 可以见到刺身分成三个单位, 面头轻轻烧过令佢d油更加溶出
9月5日, 呀菲呀比拍拖12周年纪念大餐! 因为家有新生儿嘅关系, 我地两个都好少夜妈妈出街二人世界啦~ 就趁今晚呢个特别日子, 特登book咗出名食怀石料理嘅呢度叹番一餐美味嘅晚餐~
::: 葵 怀石 ::: $980
::: 前菜 :::
左起细细杯嘅系烧松茸 黄韭 菠菜卷 鲣鱼汁, 其实即系少少菇少少菠菜少少黄韭捞埋鲣鱼汁嘅冷菜~ 菠菜十分鲜嫩, 咸咸鲜鲜的几开胃.
左二系自家制鹅肝玉子豆腐并新鲜无花果, 呢个玉子豆腐好特别, 食落蛋味颇浓, 但又好滑, 入面渗出淡淡嘅鹅肝味. 新鲜无花果香甜, 为玉子豆腐更添甜美~
左三系网烧牛肉寿司球 莲根煎饼, 好有趣的用网烧牛肉片包著的波波寿司, 还有一片用莲藕做的薄薄煎饼, 网烧牛肉肉质软嫩, 但牛味不算重, 呢件普通.
最右边系馒鱼橄榄串, 好fusion嘅前菜, 又鳗鱼又橄榄咁. 但由于两样食物呀菲本身都麻麻地, 所以只系觉得一般般...
前菜
46 浏览
0 赞好
0 留言
三件火炙寿司, 分别有吞拿鱼腩、鹅肝、松茸.
一定要赞吞拿鱼腩, 系我食过最油润之一款嘅大拖罗! 可以见到刺身分成三个单位, 面头轻轻烧过令佢d油更加溶出黎, 整旧寿司入口即溶好好味!
火炙鹅肝寿司口感则外脆内嫩, 浓郁鹅肝味加上紫菜竟然又十分配合~ 好味!
松茸相对味道较淡, 但松茸味道绝对令人齿颊留香~
火炙寿司
39 浏览
1 赞好
0 留言
呢个炸粟米 南瓜 椎茸 野菜虾天妇罗好有趣, 好似个野菜饼咁~ 要赞嘅系佢下面块索油纸系只系得好少油, 整件天妇罗香脆唔油腻, 好味!
炸粟米 南瓜 椎茸 野菜虾天妇罗
82 浏览
1 赞好
0 留言
煮馒鱼 莲芋 花穗 配梅肉酱卖相好特别, 煮法亦系第一次试~ 就咁清煮鳗鱼件, 虽然唔好食鳗鱼但睇都睇得出佢嘅肉质极度鲜嫩, 结实弹牙! 配埋鲜爽嘅花穗, 点埋酸酸甜甜嘅梅肉酱食, 又一清新鲜味配搭.
::: 烧物 :::松茸 鹿儿岛和牛薄烧 夏野菜又靓又健康嘅一道菜, 和牛薄烧包著松茸本身已经好惹味~ 配上合时新鲜野菜沙律, 只恨佢份量太少了~
松茸 鹿儿岛和牛薄烧
103 浏览
3 赞好
0 留言
又系鳗鱼~ 不过今次系烧同埋配上糯米饭. 糯米香软味甜, 配上酱汁鳗鱼有点箱压寿司感觉. 上面一小撮鲜磨山葵, 辛辣但不太刺鼻, 也ok.
::: 吸物 :::豆腐清汤之前d菜式味道都略浓, 呢个汤就相对可以清清味蕾.
豆腐清汤
34 浏览
0 赞好
0 留言
鲜果拼盘有红石榴巨峰提子同梨, 红石榴酸甜解腻, 巨峰提子十分甜, 梨则清爽, 为整晚盛宴做好总结!
鲜果拼盘
54 浏览
1 赞好
0 留言
::: 前菜 :::
左起都系d菜配鲣鱼汁嘅凉拌. 反而隔离冷豆腐好味! 外面系有少少炸过好似腐皮咁, 但内里依然十分嫩滑~ 清清地又富豆味~ 超正!
前菜
34 浏览
1 赞好
0 留言
叫得寿司怀石, 呢道都算系主打! 分别有甜蛋、唔记得咩鱼、蟹肉、吞拿鱼腩!
要再赞件吞拿鱼腩, 入口即溶, 充满油香, 超好味! 蟹肉寿司亦十分鲜甜~ 鱼生爽口, 甜蛋软嫩, 全部都好出色!
寿司
43 浏览
2 赞好
0 留言
都唔记得系咩鱼, 但切得薄可透光, 味道较清, 但十分爽口.
刺身
27 浏览
1 赞好
0 留言
煮鲭鱼同野菜杂烩, 有莲芋、红萝卜、南瓜、菇等~ 根茎类蔬菜都煮得软淋入味, 反而鲭鱼肉质较实被比下去.
煮鲭鱼同野菜杂烩
31 浏览
1 赞好
0 留言
呢味烧鳕鱼都几好味~ 肉味浓而且油润, 酱汁更能带出鱼肉鲜味~ 不错.
::: 粟米珍珠米饭配渍物 :::珍珠米饭混入粟米够哂香甜! 有无渍物陪衬都已叫人满足!
粟米珍珠米饭配渍物
30 浏览
1 赞好
0 留言
看似普通嘅面豉汤其实亦认真制作, 唔会一味死咸, 亦食到食材味道.
面豉汤
15 浏览
0 赞好
0 留言
甜品比葵怀石普通d, 只系一球黑芝麻雪糕, 但都好好味~
黑芝麻雪糕
34 浏览
0 赞好
0 留言
张贴
