影片
更多
2021-04-18
2820 浏览
朋友生日，拣咗Butcher’s Choice Main $258/人Starter要$100/人，dessert $40/人（必须全部人都要比）分量：starter系足二人份量。但系同隔离枱单点嘅牛扒比，我地Main course嘅牛扒感觉系一人份量多一两块牛左右。仲要我哋拣嘅牛肉比隔离枱贵。甜品收足二人价钱，但系上到枱只有一份，感觉受到欺骗！加上疫情期间，为了减少交叉传播，唔系更应该分两份serve客人会更好咩？服务：虽然政府规例10:00完结堂食，但系当我哋9:30啱啱开始食main course𠮶阵，一个女侍应拎左个甜品出嚟，之后我哋同另一位侍应讲因为啱啱先开始食main course，可唔可以将个甜品放返雪柜先阵间再食。个侍应居然同我讲甜品上面𠮶啲系cream，唔系雪糕唔怕溶，拒绝帮我放落雪柜。即使唔会溶都好，但系整个甜品系有奶类制品，如果将奶类制品长时间放喺室温food haccp嚟讲好容易滋生细菌，呢个系大家都知道嘅common sense。我理解就快完结堂食，师傅可能收工所以早咗拎甜品俾我哋，但系我唔觉得将一份仔嘅甜品放落雪柜度有几难？味道：师傅真系做到medium，呢
Starter要$100/人，dessert $40/人（必须全部人都要比）
分量：
starter系足二人份量。但系同隔离枱单点嘅牛扒比，我地Main course嘅牛扒感觉系一人份量多一两块牛左右。仲要我哋拣嘅牛肉比隔离枱贵。甜品收足二人价钱，但系上到枱只有一份，感觉受到欺骗！加上疫情期间，为了减少交叉传播，唔系更应该分两份serve客人会更好咩？
服务：
虽然政府规例10:00完结堂食，但系当我哋9:30啱啱开始食main course𠮶阵，一个女侍应拎左个甜品出嚟，之后我哋同另一位侍应讲因为啱啱先开始食main course，可唔可以将个甜品放返雪柜先阵间再食。个侍应居然同我讲甜品上面𠮶啲系cream，唔系雪糕唔怕溶，拒绝帮我放落雪柜。即使唔会溶都好，但系整个甜品系有奶类制品，如果将奶类制品长时间放喺室温food haccp嚟讲好容易滋生细菌，呢个系大家都知道嘅common sense。我理解就快完结堂食，师傅可能收工所以早咗拎甜品俾我哋，但系我唔觉得将一份仔嘅甜品放落雪柜度有几难？
味道：
师傅真系做到medium，呢样系要赞嘅地方。但系冇咩牛味，纯粹肉一块，呢样系比较失望嘅地方。
另外我哋叫咗个生牛肉他他，他他味道冇特别，有啲单调，要加埋芥末会好食啲。他他上面会有多士配住食，但系太硬喇，好似食紧石头咁。
前菜有份沙律，但系份沙律落得过多橄榄油，本身系一样健康嘅嘢，突然之间变得好唔健康，有啲负担，每一条菜都系油亮亮、碗底有好多油，大家想像下中式嘅干炒牛河食完碟底啲油就系exactly呢个样。
甜品有啲似tiramisu，不过系莓味，味道过甜过酸，淡味啲会更好，因为啲味太强烈遮盖左上面有云呢拿籽嘅cream，感觉浪费了。
总结：
成餐饭埋单要千几蚊，但系以份量来讲真心不值，俾二人嘅钱，但系出到嚟嘅份量系一人份，而且食物嘅味道都感到失望。服务方面，除咗甜品𠮶件事其他侍应都好Nice。想试嘅朋友强烈唔建议你叫呢个餐，可能你哋单点会更好！
张贴
