英皇紅酒扒房 (已結業)

由屋企去鲗鱼涌其实都几近，所以星期六日有时都会系呢度出没。鲗鱼涌一到星期六日就会变得相对静，少左平时烦嚣同埋人来人往既感觉。系呢度揾食相对变得容易，最少唔驶等位咁麻烦。今晚行过见到一间餐厅价钱合理，于是就入左去食晚饭。餐厅主打西餐，内里都几宽敞，冇迫既感觉。餐牌既套餐唔会好贵。餐汤餐汤先有罗宋汤配多士。罗宋汤唔会好稀，汤既浓度适中，多士就非常脆口。脆皮德国咸猪手 $168猪手都几大件，一个人应该唔会食得晒。就咁睇仲以为猪手皮会硬，原来劲脆口。至于猪手本身好腍，啖啖肉，真系食极都食唔完。猪手上枱既时候店员又会比几样酱汁拣，拣番平时最钟意既黄介末衬猪手。配菜有脆薯角，热辣辣好好食。美国野生有几烧春鸡 $148烧春鸡原只上都几大只，$148晚餐食到价钱合理。烧既火喉唔错，切开烧春鸡，里面既熟度都系岩岩好，咬落多肉而且尚算嫩口。唯一美中不足系通常食烧春鸡都有手套提供，而呢度要用刀叉食。旁边仲有金黄色既脆薯角，大爱。今晚呢餐两个人都系三百蚊多d，不过呢两个餐既份量真系好多，多到食唔晒，饱到食唔落甜品。相信呢个份量三个人食都足够，而且会变得更加抵食。