燒肉King (已結業)

同细妹二人喺附近行完街揾嘢食，喺外面见到二人有埋和牛都系四百几蚊，入去试一试。极上二人盛合 $498佢第一个上嘅就系沙律，沙律有两款。烟三文鱼蕃茄黑醋沙律，同埋另一个胡麻酱仿蟹柳豆腐沙律。妹妹唔食三文鱼所以顺理成章啱啱好，沙律菜新鲜爽口，做一个头盘唔错。今日个汤系蕃茄汤，蕃茄味道浓有少少牛肉。个白饭好好食，因为佢系用日本富山米，粘粘地每粒米都圆辘辘。烧肉拼盘，每人每一款都两件。色泽都唔错，有鸡有牛有猪。黑毛和牛牛肩胛，肉味丰富。口感丰富但系肉质又唔会过分结实。另外一个大大块嘅就系日本黑毛和牛肉眼好大块，见到油脂分布都好平均。依个肉质就比牛肩胛更加林，但系相对地肉味就冇咁浓，口感就比较滑。总括嚟讲四百几蚊一个套餐真系好抵食，餐厅空间感大，唔会因为烧肉餐厅而好大油烟味，抽风做得唔错，QR code落单亦都好方便。