一鼎‧台式火鍋 (MOSTown新港城中心(4期))

营业中

休息中

今次我地黎到马鞍山玩，主要想黎千色店行，新港城中心呢度都好大，好多野睇，但马鞍山就人称美食沙漠，见到呢间台式火锅午市有二人同行一人半价优惠，咁抵食就不如试下🤓澳洲200日纯谷饲牛餐（$289）呢间火锅店系玩一人一锅既，所以汤底我可各自拣，我地一个拣台式麻辣鸭血汤底既麻痹鸭，一个拣蕃茄汤既蕃客为主，两款都系店内推介，我地都觉得拣得无错👍🏻牛肉方面我地呢个餐属于第2贵既级别，黑色盒既分别系澳洲200日谷饲牛，澳洲黑安格斯封门柳，就系呢个餐先嗌得既，质素同白色盒既比会鲜色d，脂肪都靓d，我觉得钟意食牛既都值得嗌呢个级别🐮自助区既火锅配料都有劲多款，要有既丸类，炸鱼皮，蔬菜都有，值得一提既系有蜂巢豆腐同埋皇帝菜，呢两样对我黎讲系惊喜，比较少放题店有得食🤩除左火锅食物之外，佢地仲有唔同既台式小食，我自己钟意既就系青麻椒辣鱼皮，辣辣地又爽脆，任食真系掂，一鼎盐酥鸡系热辣辣即炸，好食，而古早盐酥豆腐就比较特别，外脆内软都唔错👏🏻饮品方面自助区有罐装饮品任攞，最正系原来系度食，系包一杯佢地品牌既手摇店一鼎茶，我地拣左黑糖珍珠牛乳，同埋香水爆柠，两杯手摇饮品都好饮，净系呢度都值$30几，抵呀😆最后唔少得