人和月雞煲火鍋店 (已結業)

而家疫情出街打边炉都有啲危险 但系又唔想成日食住家饭 都会好挂住打边炉㗎嘛 所以呢一个二人套餐都可以考虑一下！二人套餐包左一个鸡煲$498(再75折) 有得选辣度，我就叫咗BB辣，唔食辣嘅人都食到！可以拣两款肉，牛板腱口感唔错，食得出几新鲜，黑豚肉都切得几厚身，啖啖肉。姜汁皮蛋贡丸味道几特别，打边炉来讲都几好食！墨丸、响铃同芝士肠正常，不过佢哋嘅响铃都几大旧。呢个套餐除咗蔬菜之外，仲包左两款嘢饮，佢哋嘅罗汉果菊花蜜超级好饮，屋企人都问系边度可以再买，佢嘅味道有啲特别，就算系啲手摇饮品店都饮唔到呢种味道。之后我惊我哋两个唔够饱，仲嗌多咗个酸菜鱼，酸菜鱼都几丰富，啲鱼好滑身，酸菜味好出，辣度正常。