卡莎338 (已結業)

平时都好少黎呢区，朋友住呢度，黎探朋友之后，就同佢揾地方晚餐一边食一边倾。佢屋企附近见到呢间餐厅嘅餐牌都几吸引，价钱有好抵。超级豪华套餐，内容好丰富都只系＄398。首先包咗个餐包同餐汤。之后有个小食拼盘，我哋拣咗春卷同炸鱼薯条，即叫即整，好松脆，唔油。跟著个猪手，超级大大份，啖啖肉，整得好好味，有质素，拍得住德国餐d大餐厅。之后仲有个8 oz澳洲顶级和牛肉眼，又系超级大份，牛扒煎得啱啱好，锁住肉汁。呢个二人套餐真系食到好饱，好抵食，同埋有质素。