炯記手撕雞 (汝州街) (已結業)

今日同男朋友去食炯记，嗌左个二人满足套餐，两旧水有找($198)，包5道𩠌、2个饭/捞面、2个例汤、2杯野饮，成枱都系𩠌饭野食，仲要全部份量都唔细，前所未有既满足感，真系抵到烂！🥰酸辣蒜香云耳+油菜建议第一碟食左云耳先，因为真系好开胃！😋蒜味劲香浓，酸辣中带点甜度，超适合做前菜/饭后小食解腻～油菜就可以配饭面食，均衡营养盐焗鸡肾本身麻麻地鸡肾，但见全部都大大旧几吸引就试下。点知食左翻吾到转头，肉质有咬口又爽脆，焗到入哂味，香得黎唔会太咸，送饭一流～🤤盐焗手撕鸡🐣著名手撕鸡唔洗讲一定必点！平时食开既盐焗鸡都系偏咸，但呢只味道、调味、份量都控制得好好！全部啖啖嫩滑无骨鸡肉，仲食到麻油香味😋秘制酱皇猪手🐽皮、脂肪同肉分布好平均，都好易拆骨。口感咬落好Q弹，好有胶原胶原既感觉，而且炆得好林好入味！估唔到连猪手都大大旧上枱，真系唔会同你悭🤣太子鹅油捞面‼️👍🏻呢碟真系有惊喜！用粗面条，大大碗都不在话下，仲要面油香得黎偏干身，食落有镬气，口感味道都系其他捞面既另一个层次🤤一定会翻去再食！