新麻蒲 BBQ (東港城) (已結業)

今日经阿妹介绍，收工过咗将军澳食韩烧，呢一区对我来讲人生路不熟，好彩有阿妹带路咋，原来系一个叫Popcorn嘅商场里面，阿妹话呢间新麻蒲BBQ好出名嘅，咁就一于试吓啦。望咗好耐个餐牌都唔知拣边款好，结果我哋带咗个二人套餐，牛肉套餐/$398，以层架盛载，有三款牛、什锦拼盘及部队锅。层架由上而下，上层有年糕、猪肉香肠、大虾及磨菇。中间则是特级霜降牛肉、秘制牛肋排，其中前者纹理清晰，色泽红嫩，单看卖相已不错。最下层的就是秘制牛五花肉，由于薄切，令烧起来时更易快熟。特级霜降牛肉，牛肉比较厚身有弹性，食落带点嚼劲。什菜有菇类及翠肉瓜等，不错~炉边仲有蛋浆，是混合泡菜而制，带点微辣，蛋烧过后，像焦糖般至金黄色，质感亦滑一滑，两者的味道可是匹配得极致。值得一提的是，蛋浆和所有配菜，包括泡菜也是任加任食。BBQ炉隔离就系部队锅，个炉keep住开个锅又keep住系咁烚，啲部队锅料热辣辣劲好食，最钟意就系佢有辛辣面，另外仲有午餐肉肠仔呀金菇啊豆腐啊咁，人哋话部队锅即系大杂烩乜都有得食。二人套餐$400都唔使其实都经济实惠，如果一大班人嚟食就更加抵啦。