土耳其小城 (萬昌樓) (已結業)

今日同男朋友去元朗觅食，男朋友话之前试过呢间土耳其特色餐厅觉得都非常好，叫我相信佢，咁我就梗系恭敬不如从命啦。行入餐厅之后，我地俾充满土耳其风格嘅餐厅装潢少少地震惊左。斋睇装修已经可以谂到系一间颇为正宗嘅土耳其餐厅～首先我地order左份烤野鸡肉卷饼🌯️呢个咁有浓厚土耳其风格嘅菜当然无令我地失望，烤鸡充满浓郁嘅香气，而肉质都好嫩滑。配菜都令卷饼增色唔少，配埋独有酱汁，真系令人食指大动。陆洲沙律(三角豆蓉)既口感对我地黎讲好新鲜又新奇，佢个口感有啲似有豆味嘅薯蓉。附送嘅饼味道都几好，同呢个沙律好夹🫘～克勒拉鸡皇 $98既话，一食落口已经觉得好重咖喱味，询问之下原来主要用奶油咖喱制成，虽然睇落好红但唔会好辣，我呢啲唔食得辣嘅人都觉得啱啱好。鸡肉都好嫩，配埋牛油烤饼一齐食，简直就系一绝。餐后茶我地嗌左充满地方风情嘅土耳其茶，入口微微苦而后带少少回甘，令我印象非常深刻，下次去一定会再叫。