影片
更多
2017-09-18
151 浏览
同朋友两个人去开油麻地个头买野，行到饿就紧系揾地方医肚啦。行过CASA酒店门口听到有人话楼上有间西式CAFE几好食，咁岩我同朋友又好西餐，就胆粗粗跟左佢地入去睇下咩环境。一出䢂见到餐厅既装修唔错，人流又唔少，咁食物质素应该有番咁上下。再望下MENU，以西式CAFE黎讲算价钱中等，咁就决定食呢间啦。MENU意外地丰富，前菜、汤、沙律、主菜、野饮呢D不在话下，估唔到佢连意、美、法式既料理都有埋，好多都好吸引。拎起第二份MENU见到个二人套餐，就心谂跟餐试下D大路野好似稳阵D。经过一轮挣扎，我地最尾就叫左个二人餐体验下，有得拣又抵食。打头阵既有忌廉汤加蒜蓉包，个汤几浓同几香，啖啖有粟米蓉味，认真足料。蒜蓉包就相当标准，蒜味足牛油够，唯一不足系唔够脆，我同朋友都钟意完全干身个D黎。饮品：苹果汁同冻柠茶。味道相当易入口，两者都唔会太甜，饮得出绝对唔系平价货既味道，果然唔系交HEA货。之后上左盘酸忌廉薯条，配埋酸乳酪黎送，为味觉带黎冲击，但又异常地夹，推介！跟住接力既系安格斯西冷牛扒配红酒烧汁，连板一齐上既有薯菜沙律，以及芥末酱。牛扒可以叫熟度，我地叫左五成。果然熟煎得岩岩好，外皮微焦香脆，肉质粉
一出䢂见到餐厅既装修唔错，人流又唔少，咁食物质素应该有番咁上下。再望下MENU，以西式CAFE黎讲算价钱中等，咁就决定食呢间啦。
MENU意外地丰富，前菜、汤、沙律、主菜、野饮呢D不在话下，估唔到佢连意、美、法式既料理都有埋，好多都好吸引。拎起第二份MENU见到个二人套餐，就心谂跟餐试下D大路野好似稳阵D。经过一轮挣扎，我地最尾就叫左个二人餐体验下，有得拣又抵食。
打头阵既有忌廉汤加蒜蓉包，个汤几浓同几香，啖啖有粟米蓉味，认真足料。蒜蓉包就相当标准，蒜味足牛油够，唯一不足系唔够脆，我同朋友都钟意完全干身个D黎。
饮品：苹果汁同冻柠茶。味道相当易入口，两者都唔会太甜，饮得出绝对唔系平价货既味道，果然唔系交HEA货。
之后上左盘酸忌廉薯条，配埋酸乳酪黎送，为味觉带黎冲击，但又异常地夹，推介！
跟住接力既系安格斯西冷牛扒配红酒烧汁，连板一齐上既有薯菜沙律，以及芥末酱。牛扒可以叫熟度，我地叫左五成。果然熟煎得岩岩好，外皮微焦香脆，肉质粉红延伸至边缘。本身牛扒有适量调味，加少少汁个风味已经相当突出。薯仔烚到软身，用叉一压就分离，但又唔会碎开，配埋芥末食相当惹味。沙律都几清新，不过D醋偏重口味，个酸度接唔接受到就因人而异啦(我都仲OK既)。
下一道菜系龙虾汁意大利饭，卖相相当吸引，唔知味道又点呢？上菜个阵已经闻到龙虾汁既香味，饭身黏度岩岩好，个汁味道有D浓但相当香口，饭粒咬落去唔会太淋，口感一流。大虾直情吸收左成道菜既精华，配上熟度洽好既虾肉，只有美味可以形容！
最后当然唔少得甜品，分别系朱古力慕斯蛋糕同Tiramisu。前者慕斯香滑，口感唔错，有D偏甜但接受范围内，整体上几好味。Tiramisu就算出色，无论外型定味道都有酒店水准，冇十分都有九分！
总括黎讲Plato Cafe & Bistro既食物相当唔错，唔使讲紧系有下次！我已经约左个FD下次试下特别D既菜式，希望呢度俾到惊喜我啦！
蒜蓉包+餐汤
20 浏览
0 赞好
0 留言
酸忌廉薯条
26 浏览
0 赞好
0 留言
美国安格斯西冷牛扒
17 浏览
0 赞好
0 留言
龙虾汁大虾意大利饭
33 浏览
0 赞好
0 留言
朱古力雪糕慕丝蛋糕
18 浏览
0 赞好
0 留言
提拉米苏
28 浏览
0 赞好
0 留言
张贴
