影片
更多
2021-03-13
378 浏览
今日落湾仔帮朋友搞啲嘢，做完都差唔多晚饭时间，就一于在附近觅食。本来打算去谭臣道食两𩠌套饭，点知原来舖头无做晚市，于是改左去呢间「雨林轩」。餐厅地方不大，一般茶餐厅格局，但椅桌摆放得好整齐，环境干净企理。餐牌有好多页，食物选项分门别类，有西式扒餐、皇牌芝士焗饭/意粉、皇牌咖喱系列、镬气炒粉面饭、西式意粉/饭系列、雨林客饭， 另外仲有小食同下午茶餐等可供选择。我哋点左印尼炒饭、星洲炒米，另外再加左客榄油炒杂菜。印尼炒饭 ($60)，个炒饭卖相唔错，材料有鸡肉、大虾、蛋丝、葱粒、煎蛋同虾片，旁边仲有一串串烧，用料非常丰富，分量十足。最钟意就系啲饭粒炒得够爽身，唔会食到碟底一摊油，而且味道好香浓，配爽甜弹牙的虾只同脆卜卜嘅虾片一齐食，真系无得输。另外碟星洲炒米 ($52) 亦炒得好有水准，还没上桌已经传来阵阵香浓嘅咖喱味，可见镬气十足。虾肉同洋葱好爽口，另外仲有蛋丝、火腿、芽菜同叉烧，用料绝不马虎。最值得一赞就系啲米粉炒得够干爽，唔会痴埋一堆堆，咖喱味又够均匀，入口带点微辣，非常惹味。至于碟榄油炒杂菜 ($40) 用料亦绝不欺场，材料包括有椰菜、三色椒、翠肉瓜、菇菌、蕃茄同白菜仔。几款瓜
本来打算去谭臣道食两𩠌套饭，点知原来舖头无做晚市，于是改左去呢间「雨林轩」。
餐厅地方不大，一般茶餐厅格局，但椅桌摆放得好整齐，环境干净企理。
餐牌有好多页，食物选项分门别类，有西式扒餐、皇牌芝士焗饭/意粉、皇牌咖喱系列、镬气炒粉面饭、西式意粉/饭系列、雨林客饭， 另外仲有小食同下午茶餐等可供选择。
我哋点左印尼炒饭、星洲炒米，另外再加左客榄油炒杂菜。
印尼炒饭 ($60)，个炒饭卖相唔错，材料有鸡肉、大虾、蛋丝、葱粒、煎蛋同虾片，旁边仲有一串串烧，用料非常丰富，分量十足。最钟意就系啲饭粒炒得够爽身，唔会食到碟底一摊油，而且味道好香浓，配爽甜弹牙的虾只同脆卜卜嘅虾片一齐食，真系无得输。
另外碟星洲炒米 ($52) 亦炒得好有水准，还没上桌已经传来阵阵香浓嘅咖喱味，可见镬气十足。虾肉同洋葱好爽口，另外仲有蛋丝、火腿、芽菜同叉烧，用料绝不马虎。最值得一赞就系啲米粉炒得够干爽，唔会痴埋一堆堆，咖喱味又够均匀，入口带点微辣，非常惹味。
至于碟榄油炒杂菜 ($40) 用料亦绝不欺场，材料包括有椰菜、三色椒、翠肉瓜、菇菌、蕃茄同白菜仔。几款瓜菜都炒得恰好，翠肉瓜同椰菜新鲜爽脆，入口一点也不油腻，加上以橄榄油嚟炒，感觉特别健康。
凡惠顾大餐牌任何食品，可用半价优惠享用饮品。我哋点左龙凤柠乐 (+$11) 同 红豆冰 (+$11)，柠檬+咸柠檬，配埋可乐，味道超正！红豆冰味道啱啱好，唔会太甜，红豆又够腍，饮完真系大满足。
张贴
