影片
更多
2022-10-03
587 浏览
呢度的确系庆祝嘅好地方，相信大部份来嘅人都系生日或者周年纪念。餐厅装修典雅舒服，地方算大但唔系一眼望晒，系分开几个主题小区，每一个角落影相都靓。我哋好好彩安排坐喺梳化的边位，空间多D亦唔会影到其他人，如果可以要求最好能坐转角位。今晚的服务好好，侍应好热心招呼和介绍。餐厅号称系阿根廷菜，menu有部份食物系比较特别,主要嘅牛扒都系来自阿根廷, 用嘅酱汁同一般扒房有分别。餐包睇落似普通餐厅嘅餐包，但食落十分松软，再配以有蒜蓉和香草的牛油，同埋一碟牛肉汁，忍唔住encore 左D面包🤭🤭龙虾沙律有啲失望，以差不多$500嘅价格龙虾好似酒店自助餐的冻龙虾钳切碎，咬落仲有解冻左的水留在肉内的感觉，其他就系牛油生菜和一只蛋。牛骨髓出埸系好型，一条大骨中间破开酿入一D肥膏feel 的东西和肉碎。本人一直以为牛骨髓系中菜嘅三鲜骨髓白色𠮶啲，但完全唔系𠮶回事，刮出嚟系好似肥膏，查在多士上咬落好油，但味道都ok的，问侍应佢真系话系肥膏黎架！算啦喺出边好少食到，唔好谂咁多啦，食啦！主菜系24oz bone in rib eye。我哋都经常食大份牛扒，来到时觉得表面比较干，侍应话阿根廷牛系无咁肥，果然。食落系
今晚的服务好好，侍应好热心招呼和介绍。餐厅号称系阿根廷菜，menu有部份食物系比较特别,主要嘅牛扒都系来自阿根廷, 用嘅酱汁同一般扒房有分别。
餐包睇落似普通餐厅嘅餐包，但食落十分松软，再配以有蒜蓉和香草的牛油，同埋一碟牛肉汁，忍唔住encore 左D面包🤭🤭
龙虾沙律有啲失望，以差不多$500嘅价格龙虾好似酒店自助餐的冻龙虾钳切碎，咬落仲有解冻左的水留在肉内的感觉，其他就系牛油生菜和一只蛋。
牛骨髓出埸系好型，一条大骨中间破开酿入一D肥膏feel 的东西和肉碎。本人一直以为牛骨髓系中菜嘅三鲜骨髓白色𠮶啲，但完全唔系𠮶回事，刮出嚟系好似肥膏，查在多士上咬落好油，但味道都ok的，问侍应佢真系话系肥膏黎架！算啦喺出边好少食到，唔好谂咁多啦，食啦！
主菜系24oz bone in rib eye。我哋都经常食大份牛扒，来到时觉得表面比较干，侍应话阿根廷牛系无咁肥，果然。食落系少左油香，又唔juicy, 一般。呢度无得拣酱汁，跟来的有牛肉汁（唔知真名）和芥末。side dish 拣左鸭油薯条，薯条系幼切，炸得脆口，唔觉系鸭油。
都讲左2人庆祝都热闹啦，食完主菜好几个侍应便捧住两枝绵花糖大大声唱生日歌，同主角戴上骑师帽，拍即影即有，呢D安排系会令生日人好开心的，你会发现，呢度好多同月同日生嘅朋友，大家互相祝贺，好好气氛！
送的火焰绵花糖，实在太太太甜，里面有好甜的雪糕，只食左一啖便放弃，不过有得烧下影吓相都是开心的。
最后，侍应介绍左杯espresso martini , 配甜品真的不错，多左咖啡味少左酒味，好易入口，唔识饮酒都可以接受。
今日几满意，影左好多相，推介给要庆祝的食友。
张贴
