川火堂

营业中

休息中

{抵食川菜二人餐 - $368}川菜真系令人爱不释手嘅菜式，每一种食材使用川菜嘅手法制作都令佢变得终极惹味，是本麻甩最爱之一，听人讲铜锣湾有间正宗川菜仲要抵食，当然要去！原来二人餐真心系抵食又好味！♦️烧椒金色皮蛋金黄色嘅皮蛋，有皮蛋嘅香味，仲保留住蛋汁嘅幼滑！加埋泡椒酸酸的酱料，超级开胃！♦️经典香锅超正，香辣惹味，而且用料超多，除咗基底的土豆莲藕洋葱辣椒，仲食到有猪肉鸡肉同牛肉，真系川菜香锅可有嘅配料都食到，好大嘅惊喜！♦️胶原脆皮猪手惊喜不断有。呢个猪手即叫即炸，上碟超热辣辣，但一口咬下去，在脆皮下面竟然系超嫰滑猪手，实在大令人感动！♦️大碗花菜呢个不在二人餐内，初时以为唔够食所以叫，点知又系大惊喜，大大碟又落左好多腩肉将花菜炒到超香口，劲好味！♦️手工红糖糍粑经典美味甜品，一啲都唔马虎，糍粑软糯外皮香脆，红糖足够得黎又唔会过份！♦️熊猫冰粉本麻甩平时唔好甜品，但呢个我大推，冰粉透心凉，上面的花生同提子干带起凉粉的美味，红糖又系唔过份，份量刚刚好！美味程度：😋😋😋😋😋环境指数：🎇🎇🎇🎇番食机会：🦍🦍🦍🦍🦍📍 #川火堂 (铜锣湾)铜锣湾骆克道401-403号荣华商业大厦地下