OMG Chicken (已結業)

每次黎附近行Donki都有冲动黎回味佢个二人餐 ($278)，实在系非常抵食，今晚终于坐言起行。墨西哥香辣汁烤鸡一人一只鸡髀同鸡全翼嘅份量啱啱好，好钟意新鲜炸起烫手嘅温度，皮脆肉嫩，啖啖肉得黎够入味。 墨西哥香辣汁充满异国风味，辣度系无论食唔食得辣都会满足嘅程度，非常惹味。千岛大虾海鲜pizza (+$20)真系啖啖海鲜，蚬、鱿鱼等等杂锦海鲜真系弹牙有鲜味，爽脆嘅彩椒同洋葱好清新，加埋海量千岛酱冇理由唔好食。黑松露薯条 (+$22)佢系好味嘅粗薯条，可惜唔系我想像中嘅黑松露忌廉酱，反而系黑松露粒。 讲真唔算好浓味，胜在茄汁系好鲜嘅蕃茄味，当系原味薯条咁食会啱feel啲。