CHICKEN FACTORY (香港仔中心)

营业中

休息中

去到香港仔都揾咗阵，好少行开呢边，个位有啲隐蔽，但其实都系商场入口，只系平时好少留意。一入到去觉得似外国啲烧鸡店，入去见得两张台，原来入去转个湾别有洞天，仲有几张台十几个位。门口有两部自助点餐机，势估唔到呢间貌似外国烧鸡店都会有海南鸡饭食。我同朋友点咗个二人餐，有只烤鸡、两个饭、三只瑞士鸡翼、焗薯同埋两枝饮品。我想讲呢个份量直程够三四个人食，我哋两个食剩大半只鸡，油饭都唔错，朋友就话蘑菇饭好食过K字头𠮶间，瑞士鸡翼就麻麻哋，烤鸡烧得几香口美味，焗薯都唔错。另一位朋友点咗海南鸡饭，估唔到啲鸡又几滑，似模似样，朋友都觉得好食。呢个价钱其实几抵，只系份量太多食唔晒，所以下次三个人share算喇。