Say Cheese (將軍澳中心) (已結業)

收工同男朋友去食饭，拣左将军澳中心呢间餐厅，因为见佢星期六日都好多人排队等，反而平日比较少人，可能我地都食得早，7点几就去左食，所以可以拣到卡位坐。叫左个二人餐，有两件蒜蓉包，可以拣是日餐汤或沙律，我地各拣左一样。主菜拣左安格斯肉眼扒10安士（5成），黑松露野菌手搓粉，仲有雪糕同野饮。 蒜蓉包热辣辣松脆～餐汤系紫薯忌廉浓汤，我觉得比较杰身同滞，饮完饱左好几成，问过待应原来定期会转唔同款，好似南瓜汤、粟米忌廉汤、罗宋汤等。沙律新鲜、用黑醋汁淋面。安格斯肉眼扒真系好好味，劲juicy，如果单点都系二百几蚊，10安士份量好大块，两个人食好足够。黑松露野菌手搓粉最令我惊喜，除左黑松露忌廉味浓郁，手搓粉既面质系我喜爱既有咬口，唔会好稔。最后仲有曲奇味雪糕同水蜜桃果茶。我地两个都食得好满足。