The Farmhouse 咖啡廳

呢间buffet实在系一试成主顾🤭!因为佢都算系近年食过令我觉得好味嘅头几名🏆~呢度嘅热食款式多,各种嘅咖喱同薄饼薄脆🥘,味道都好好~如果胃口够大,佢嘅即炒意粉都好好食🍝~仲有即烧鸡翼🐔,翠玉瓜之类~另外亦有鱼蛋,饺子粉面🍜~热食当中,佢个三文鱼扒系最好食🐟,肉质嫩滑~另一大亮点就系甜品部🍰,有我成日都念念不忘嘅圣安度蛋糕😍😍😍!佢系酥皮底,加上咗有云呢拿味嘅吉士,个顶系一粒泡芙,上面再有焦糖🍯~呢个甜品认真无得输👍👍👍!可惜太多嘢食,本身想食多个都食唔落...另外个朱古力蛋糕都超浓郁🍫,仲有个焙茶卷蛋都好香🍵~今次嚟啲甜品又转晒款,令我都几惊喜~不过重中之重,绝对系佢个转转雪糕柜🍦~咁多款雪糕,真系应该留啲时间试多几款⏳~今次试咗上次食唔到嘅椰子味🥥,同埋冧酒提子🍇~两款味道都好,但冧酒提子正啲~佢嘅海鲜冷盘唔算多,我觉得系最大失色位😔~海鲜方面只有大虾🦐,青口同翡翠螺🦪,如果有埋蟹脚就好🦀~另外刺身方面好似只有三定四款,有三文鱼吞拿鱼同鲷鱼,唔算好吸引~后面就系一啲appetizer,有各款芝士🧀,沙律之类🥗~呢间buffet正到我自己一条友都要去食~因为唔想挂住同人倾偈浪费咗时间