影片
更多
2024-11-02
85 浏览
上次响道食完碗猪骨汤拉面，急不及待带家人来试试，咁我当然把握机会试试佢另一款拉面啦，就佢啦！《长浜鱼🐟拉面(热汤)🍜》睇睇个Menu，赫然发现佢有一款响香港比较少见嘅味型：煮干（にぼし Niboshi）虽然从张相都得知，佢绝对唔会系个汤又稠又甘苦𠮶种“水泥系”煮干拉面，不过好奇心驱使下，还是一探究竟，以下系食评。香味 (4/5) - 香味相当充足，但香而不浊，系属于清香型而唔系浓香型。汤 (4/5) - 鱼味相当够，咸度同甜度刚好，食到明显嘅旨味（うまみ umami），风味属于淡丽风。色泽系红茶色，通透，油度刚好。我认为相当好味。不过咁，因为个汤唔系传统上煮干汤嘅灰色或深灰色，我理解为，佢系用去头去尾去内脏嘅鱼干肉去淆汤，所以我认为如果佢叫做鱼介汤会比较贴切，如果佢用鲭鱼或鲣鱼薄片嘅话，叫鲭节或鲣节都较适合。面条 (4/5) - 选面同佢嘅猪骨汤拉面嘅应该系一样，细直面，低至中加水，吸汤够。而我点嘅系硬面，口感够扎实，清爽，绝对冇话黏黏糊糊𠮶只。我食得出厨师嘅基本功相当深厚。配料 (3.5/5) - 配料整体就中规中矩啦。先讲猪叉烧方面，应该都系用猪里脊，有两块，较瘦但够腍够嫩，肉味甘
《长浜鱼🐟拉面(热汤)🍜》
长浜鱼🐟拉面(热汤)🍜
$108
0 浏览
0 赞好
0 留言
睇睇个Menu，赫然发现佢有一款响香港比较少见嘅味型：煮干（にぼし Niboshi）
虽然从张相都得知，佢绝对唔会系个汤又稠又甘苦𠮶种“水泥系”煮干拉面，不过好奇心驱使下，还是一探究竟，以下系食评。
香味 (4/5) - 香味相当充足，但香而不浊，系属于清香型而唔系浓香型。
汤 (4/5) - 鱼味相当够，咸度同甜度刚好，食到明显嘅旨味（うまみ umami），风味属于淡丽风。色泽系红茶色，通透，油度刚好。我认为相当好味。不过咁，因为个汤唔系传统上煮干汤嘅灰色或深灰色，我理解为，佢系用去头去尾去内脏嘅鱼干肉去淆汤，所以我认为如果佢叫做鱼介汤会比较贴切，如果佢用鲭鱼或鲣鱼薄片嘅话，叫鲭节或鲣节都较适合。
面条 (4/5) - 选面同佢嘅猪骨汤拉面嘅应该系一样，细直面，低至中加水，吸汤够。而我点嘅系硬面，口感够扎实，清爽，绝对冇话黏黏糊糊𠮶只。我食得出厨师嘅基本功相当深厚。
配料 (3.5/5) - 配料整体就中规中矩啦。先讲猪叉烧方面，应该都系用猪里脊，有两块，较瘦但够腍够嫩，肉味甘香，好食。
溏心蛋方面，正正常常啦，冇特别入味，清清地，配鱼汤系唔错嘅。
整体 - 值得推荐 👍👍👍👍
题外话/补充资料：
顺带一提，我家人相当满意个猪骨汤拉面，我地一致认为佢比一兰更优胜，更满足！日后要多多支持呢间店！
(以上食记乃用户个人意见 , 并不代表OpenRice之观点。)
张贴
