Fûhn (The L. Square) (已結業)

今次系第二次黎食，因为钟意个汤，所以再黎。平日嘅夜晚，一半满。两个人点左两碗粉一碗汤粉，一碗捞檬。生牛肉牛筋片汤金边粉 牛肉上枱时仲系血红色，牛肉有大概6片，两个人share，每人都食到啲。汤底有香浓嘅肉味，唔算喊，觉得啱啱好！建议大食朋友至少食L size。（唔知点解揾唔返张相）香茅猪扒捞檬 摆得几好睇，生菜丝放侧边，大量猪扒放中间。猪扒有分明嘅香茅味，扒系偏薄，但哩个价钱，哩个份量嘅猪扒，算系唔错！总结，热食同冻食比，我哋会拣「热食」，因为牛肉汤同酸辣汁比，我哋钟意牛肉汤多啲，香浓而不肥腻。