弘 CHIRASHI (已結業)

由times 行去湾仔嘅时候都会经过一间叫"弘"嘅日本料理。不过次次都赶头赶命所以就冇到去....直到今日终于可以入去试吓佢有几爆。装修都几好！我就叫咗一个"海鲜二段嘅饭"个饭嘅外型砌得系几靓嘅！好似好大碗咁！但系明明话有海胆点解我唔见有㗎呢？！迷底终于解开原来喺下层！个样就唔错喇,试下块油甘鱼刺身(近腩位)鱼身食落都爽口都好新鲜～三文鱼直头用埋腩位非常肥美.最紧要系𠮶旧吞拿鱼食落去啲鱼香味好快就攻陷咗我成个口腔又冇渣 good 呀但系只虾就麻麻地啦....好似俾水浸到无晒味咁终于都食完上层啦！下面𠮶层就有三文鱼子加海胆同埋蟹肉碎呢三样嘢捞埋个饭一齐食都唔错！呢个二段饭食完就啱啱好唔会太饱亦唔会太过空虚。