串燒王 (建基大廈)

营业中

休息中

估唔到系北角都食到上次旺角嘅串烧王，今次一于要试埋上次冇食过嘅串烧美食！门外有写住「今夜不回家」嘅霓虹灯，决定要试下呢间北角分店有几滋味 🌟即开蒜蓉大生蚝 $188/6只🌟每只生蚝都几大只，真系有成只手掌咁大。生蚝唔系剩系得个蚝壳大，入面嘅蚝肉都几大粒，唔会烧得太耐而导致缩水。每只都充满住蒜蓉，食落好惹味 🌟汁烧火箭鱿鱼筒 $72🌟一样都系原条上，份量都大。上菜嘅时候已经闻到劲香鱿鱼味，烧得岩岩好，唔会过熟。调味有小小辣，更加惹味，鱿鱼亦几有嚼劲 🌟烧原条秋刀鱼 $65/2条🌟烧得鱼皮香脆，鱼肉肉质都保持到鲜味，唔会一夹就散开，加埋香蒜食都几香口，味粉亦好足够