申子居酒屋

营业中

休息中

朋友食過其他分店，今次再二訪。海葡萄冰菜沙律 $148沙律菜份量不少，冰菜入口爽脆，海葡萄鮮而不腥，爽脆爽脆。汁煮左口魚裙邊$148我想講呢個真係好好食！左口魚裙邊係成條魚最肥美的部份，火炙之後油脂味更突出，咬落既爽又甜，搭配埋三文魚籽，每一口都濃郁甘香，非常回味。極上鹽燒牛舌芯$128牛舌芯是牛舌之中最高級、最美味的部位。牛舌芯超厚，鹽燒之後食落鮮脆、肉汁香濃， 非常Q彈。沾上少許檸檬汁更佳。明太子芝士山藥$68非常特別嘅組合，夾口嘅山藥上面配搭明太子芝士，味道十分出眾。舞茸菇 $48食落菇味香濃，略為普通。火炙大蝦讚岐手打烏冬$168大蝦有炙燒過，食落肉質彈牙。最讚係個湯底，非常濃厚，還有大量櫻花蝦，成個烏冬都充滿蝦香，而且烏冬非常掛汁。