道生麵館

营业中

休息中

上次嚟食道生，已经系两个月之前！实在太多人帮衬，要排队太耐，晏昼未必有时间！今日有事要请假，过开港岛，所以决定再嚟试吓！虽然都要排队，但冇想像中咁多人，排咗队15分钟就有得食！不过，所有崩沙同爽腩都卖晒，咁今次就嗌坑腩，叫咗碗坑腩米！一场嚟到，梗系唔可以食咁少嘢啦！就叫咗碗净半肥瘦牛腩！今次真系胆固醇超标！不过落咗单，足足要等半个钟先有得食！好彩今日放假啫，如果唔系实迟到！首先嚟咗碗坑腩米，坦白讲！得一个正字可以形容！汤底系比较淡，但饮得出冇味精，而且有牛骨嘅味！另外啲坑腩好腍，而且好有牛味，冇多余嘅其他调味！配埋啲辣椒酱，真系好好食！另外，𠮶碗半肥瘦牛腩，都好鬼正！又好重嘅牛味，而且有少少咬口！真系好享受！我今次又有少少改观，我觉得佢系全香港最好食！大家经过北角记得一定要试！