雲川百味

营业中

休息中

云川百味今次介绍洪水桥呢间专食米线嘅「云川百味」，记得一年前左右下午茶（1400-1730）无咁平，依家单𩠌$41起，加多一𩠌加$10，套餐加冻饮都只系加$3起！今次系第二次回访比我觉得抵食咗好多，味道依然无变，要变就系我轮椅唔知点解无力上块斜板，不停自己轮軚空转，要向后冲前几次先上到果一级！1.酸辣汤肥牛米线（中辣）$42+花枝丸$10+冻奶茶$3（10/10）呢碗米线份量好多，米线煮得弹牙唔会过淋，唔算好肥嘅肥牛有5块，3粒花枝丸好弹牙，米线入面其他配料有芽菜同葱等，中辣辣度比我觉得似小辣，好好食！冻奶茶：奶同茶比例啱啱好，好滑唔会好甜，好好饮2.香茅猪扒猪骨汤米线（微辣）$42+鸭胸$10+冻利宾纳$3（10/10）呢碗米线份量好多，米线煮得弹牙唔会过淋，香茅猪扒切开有4条，鸭胸有6块，米线入面其他配料有芽菜同葱等，微辣辣度比我觉得唔系好辣，好好食！冻利宾纳：正常，唔会好甜！3.炸墨鱼饼$31（9/10）呢个炸墨鱼饼炸得好脆，食到一粒粒墨鱼粒，成块墨鱼饼几弹牙，有6旧（切半），可以话系有3大块！4.麻辣青瓜$25（9/10）青瓜好爽脆，唔算好麻辣，大约有30旧！2人总共价钱$16