Mini Friday (銅鑼灣廣場二期) (已結業)

上年年尾曾经喺观塘帮衬过呢间人气黄店mini Friday，一直都对佢嘅嘢食评价颇高，念念不忘🙈 直至前排同屋企人行街嘅时候，发现铜锣湾都开咗新店，于是同咗佢哋一齐上咗去再度帮衬😚估唔到隔咗几个月，mini Friday仲有「时代抗翼」食，记得上一次嗌咗胡椒鸡翼，而今次二访，当然要试埋其他口味啦🤤 今次嗌咗呢个黄到金鸡翼，佢每只鸡翼都大大只，淋满咗咸蛋黄酱，仲有小小一粒粒嘅咸蛋黄添😍 食落口腔充满着咸香，内里肉质juicy，好快我哋一人一只就已经食晒😆而偏好芝士嘅我就拣咗呢个菜式，一睇呢啲配搭都知好食😋 芝士mix温泉蛋简直perfect match！可惜佢个蛋唔够流心，过熟咗啲啲🥲 而佢嘅牛脷配埋焗咗嘅芝士一齐食，咸咸香香咁，超好味🤤 而且牛脷尚算腍，不过薯粒有啲太大旧，如果可以细粒少少，食起上嚟就会无咁济啦。另外，钟意食海鲜嘅我哋仲嗌咗个西班牙海鲜饭😌 估唔到只龙虾都有返咁上下份量，只钳好多肉！仲有其他海鲜配料，有蚬、虾、墨鱼同鱼柳，铺满哂个饭面咁济😋 而个饭底有啲似西炒饭，但炒到几干身，唔错👍🏻最后，我哋以呢个apple crumble做结尾，呢个啱哂钟意食肉桂粉嘅人🤪 食落粒粒