The Right Place (舊墟直街) (已結業)

二访位于喺大埔嘅The Right Place 今次我又encore左「吉列西班牙黑毛猪芝士汉堡」，份量一如既往超级大份，黑松露炒蛋好浓味，炒蛋半熟嘅程度，连埋吉列黑毛猪一齐食，成个汉堡食落会更加juicy！「烤美国特级安格斯肉眼牛扒10安仕」，7成熟，肉质食落厚嫩多汁，点埋红酒干葱烧汁尼食，味道嘅层次就更多、更好味。「缅因州龙虾尾意大利饭」，龙虾尾肉质厚实鲜甜，意大利饭软度适中，配上胜瓜、虾干、粟米蓉、玉子豆腐尼食会更加清爽。「海湾虾卡拉布里亚辣香肠水牛芝士比萨」，辣肉肠烟醺味浓、海湾虾爽口弹牙。「朱古力心太软、椰子雪葩」，朱古力心太软流心效果力好出、好治愈，味道唔会太甜；椰子雪葩食落无好似沙冰咁冻，较为易入口。「法式焦糖炖蛋、红桑子雪葩」，香脆嘅焦糖糖衣配软熟嫰滑嘅蛋层，口感一流；红桑子味道带酸，令成个甜品食落无咁邪恶。Mocktail，「百花费士」，桂花蜜遇上梳打水，即刻变身成为年轻人钟意嘅清凉、清甜有汽特饮；「芒果单宁」，饮到粒粒芒果肉嘅乌龙茶，味道香甜、茶底浓，同街边卖嘅水果茶好唔同；「蓝莓果冻梳打」，果冻Q弹；「越空行者」，味道清爽。