The Musicbox Grill House & Bar

营业中

休息中

星期日lunch同老公再黎The Musicbox Grill House & Bar食野，上次食完觉得好食。我地叫左两个Brunch set同散叫啲野食。是日餐汤系新英伦粟米周打汤配以蒜蓉包，汤够creamy，好饮。凯撒沙律面包粒好脆，芝士粉又多，沙律菜新鲜爽脆。中东杂菜蛋锅配烧牛油带子我第一次食，几特别。有两只流心既荷包蛋，底层有拉丝既芝士同杂菜，仲有香脆既蒜蓉包。带子大大只，而且整得好鲜嫩，好好味。海鲜焗饭海鲜有带子、虾、蚬、鱿鱼，都好好食。白饭底比较健康。卡真辣虾虾既味道整得几好食，又唔会太细只，都系配蒜蓉包。三重朱古力软滑蛋糕好大件，朱古力味好浓郁，仲有士多啤梨同蓝莓伴碟，士多啤梨好甜，正。餐饮叫左冻美禄同热咖啡。