DINELAND

营业中

休息中

二访终于有影相，留低美食、回忆一刻。我叫咗核桃南瓜杂菌意大利饭。我觉得自己都系个饭桶，钟意食饭多个意粉。套餐有餐汤或者沙律选择，睇嚟今日都唔系Lucky day，是日餐汤都系冇蘑菇汤，得杂菜汤。除咗汤仲有黑糖面包，一如既往，黑糖面包有淡淡黑糖味，好味过Outback嘅餐包。嚟到主菜，一上菜BFF就赞好靓。核桃南瓜杂菌意大利饭睇得又食得。南瓜汁包住晒每一粒饭，极creamy。有时仲有少少拉丝效果，因为面头有好多芝士。最钟意系核桃，喺细微位度心思，放嘅唔系一粒未经处理嘅核桃，而系用糖裹住嘅核桃，为意大利饭带来甜丝丝嘅味道，味道即刻升华咗。BFF点左手打安格斯牛肉大啡菇汉堡配薯菜，分量大到佢食唔晒，又有菇又有汉堡好丰富。由于大家食得太饱，系好需要甜品嘅日子都冇叫到Tiramisui。不过系返工嘅日子可以一齐食饭都已经系小确幸。