M3 Italian (已結業)

之前试过系大围间M3食晚餐，今日就系沙田开完工，去左另一间分店度食午餐。 两者装修格局差唔多，都系行高尚简约风。睇完个menu，我就叫左烤戴安娜牛柳伴炒杂菜配黑松露薯蓉 (HKD 88) 甜品要左法式焦糖炖蛋 (HKD 6)。 饮品要左士多啤梨忌廉梳打 (HKD 32)。先黎既系前菜田园沙律，七彩颜色咁，卖相唔错。有好多沙律菜同生果，酸酸甜甜，系几好既开胃前茶。跟住就系个主色烤牛柳，好大块，肉汁好鲜甜，肉质鲜嫩，唔韧。杂菜够多，薯蓉又味道唔错，好多黑松露。至于个甜品，非常精致，上面有士多啤梨伴碟，个皮好重焦糖味。个炖蛋口感嫩滑。个饮品味道唔错，好重士多啤梨味。另外，餐厅仲有咖啡沙冰，沙冰，酒精类咖啡，无酒精鸡尾酒,樽装啤酒，手工啤，鸡尾酒同红酒和白酒提供。