Three Bros Chicken Pocha (已搬遷) 新店位置

呢日去到荃湾二陂坊食饭，以往嚟二陂坊都系食下大排档同鸡煲咁，势估唔到会有间新开嘅韩国菜餐厅。呢间韩国餐厅系由韩国人打骰，入面仲有为数不少嘅韩国人帮衬添，听到佢地全程用韩文沟通食饭。韩国菜舖头必定有嘅前菜，泡菜、薯仔同埋芽菜，都系可以任Fill。人参鸡汤天气凉凉地就会好想饮人参鸡汤，浓郁嘅汤底，饮落暖胃好舒服。呢只鸡煲得好腍，鸡入面嘅糯米都会爆晒出嚟。酱油炸鸡嚟到韩国餐厅就好想食炸鸡，不过今晚人少少，叫半只就算，大概都有6-7件，性价比相当唔错!韩式炒粉丝好经典嘅韩国主食，调味唔错，略嫌火候麻麻。难得出嚟食饭咁开心，梗系整杯啤酒啤啤佢。佢地呢到都有供应韩国啤，我就比较偏爱Asahi Draught Beer。