影片
更多
2012-01-05
67 浏览
今年既庆生饭，因为食得太多野既关系，一路都懒得写，不过这个地方真的很不错，就写个食评分享下。自己生日，老实不客气既我，地方自己提议，拣左黎呢到位于101楼既炉端烧开餐。一早已经订了枱，准时黎到，隔离左右已经坐满，我地被安排坐靠窗果边，个景真系无得顶，靠窗前望真系几震撼。未开始食烧野之前，要了两款前点，有芝士酒盗同鱼干，芝士酒盗系一口既份量，较为细份，芝士软滑浓郁，鱼肠够幼细够肥美够甘香同埋够浓郁，味道方面真系无挑剔的地方。鱼干一客有五条，烧得干身唔过火，鱼春都唔少，几香口，适合送酒，作为前菜系一个唔错既选择。到是日主打炉端烧，最想食既系kinki，枱面款式大约有十多种，店员都有逐款介绍，其实好多都好吸引，第一转就叫住几款海鲜类试下。先黎系烧蚬，唔系讲笑，都几大只下，因为坐系炉侧，睇住师傅烧，开始都无咩特别，见师傅最后加点清酒再烧，除左有玩火既效果，原来呢下完全可以带出个蚬味，除了鲜，仲带点酒香，第一款就咁样水准，确实系期待之后既款式。跟住系鲍鱼，肉质同味道方面就一般，可能系出产地本身既问题，不过都有好的地方，就系切得够厚身，多份咬口。另外旁边个小堆内藏都真系好好食，味道浓郁，用黎送酒好
未开始食烧野之前，要了两款前点，有芝士酒盗同鱼干，芝士酒盗系一口既份量，较为细份，芝士软滑浓郁，鱼肠够幼细够肥美够甘香同埋够浓郁，味道方面真系无挑剔的地方。鱼干一客有五条，烧得干身唔过火，鱼春都唔少，几香口，适合送酒，作为前菜系一个唔错既选择。
到是日主打炉端烧，最想食既系kinki，枱面款式大约有十多种，店员都有逐款介绍，其实好多都好吸引，第一转就叫住几款海鲜类试下。先黎系烧蚬，唔系讲笑，都几大只下，因为坐系炉侧，睇住师傅烧，开始都无咩特别，见师傅最后加点清酒再烧，除左有玩火既效果，原来呢下完全可以带出个蚬味，除了鲜，仲带点酒香，第一款就咁样水准，确实系期待之后既款式。
跟住系鲍鱼，肉质同味道方面就一般，可能系出产地本身既问题，不过都有好的地方，就系切得够厚身，多份咬口。另外旁边个小堆内藏都真系好好食，味道浓郁，用黎送酒好唔错。
烧虾都有叫，本身虾已经唔错，大只得黎都依然肉质鲜嫩，同埋本身烧虾只要唔系烧过龙，都冇投诉又或者挑剔既地方，这个烧虾都系食得满意。
到我最想食既kinki喜之次，时令鱼，今次系第二次食呢种鱼，上次食系刺身，已经好惊艳。听闻烧的会更好，所以今次都好期待系呢到试试烧既水准。肉质肥美唔油，个皮烧得干身，外酥内嫩，系好食的，这个应该系黎这里must eat item，因为我见枱枱都真系有叫黎食。
仲有一款系后叫既烧荣螺，荣螺切粒，入面用上汤汁再烧，螺粒爽爽的，很不错，汤汁仲有淡淡酒香，又鲜甜又有酒香，真系食到连汁都饮埋，这款做得不错。
食完一轮海鲜，都几满意。其他肉食，都试了三款，先黎系鸡肉丸，鸡肉丸入面有软骨粒，肉唔系食实实，软软的，味道就唔算太突出，不过都可以叫做稳阵的。
另一款要了和牛串，和牛本身已经很不错，烧得唔系太熟，火喉刚好，食落入口溶化，肉味十足，系高水准之作。我食第一旧系咩酱汁都唔要，店员介绍用果碟秘制酱汁加少少wasabi黎食，系另一个效果，个酱汁甜甜地，配埋wasabi味，效果都真系好唔错，和牛系今餐另一个亮点。
到羊架，食左成晚，到师傅既烧功充满信心，羊架既质素系高级超市几十蚊一架既水准，羊食落膻味不俗，这个羊都食得过的。
亦点了一些菜类，有茄子同露荀，没有任何添加的烧法，吃到的系最原本既味道，都几唔错的，不过茄子就真系少左d，只得四片。
食到尾，都系唔够喉，点了个天妇罗试试，浆粉薄薄，炸既时候有准确，这个天妇罗虾比烧虾更为吸引，原来炉端烧以外水准都好唔错。
食炉端烧，酒水少不了。今餐饮了这里的Masu Sake Box，很纯的感觉，味道清香，想点酒，这个Sake Box 都值得试试。
整体真系好满意，食物除了kinki，烧蚬同和牛都很有水准，值得推介，服务都好唔错，讲日语店员非常热情，可以用英文沟通，仲会教食客唔同既食法，真系好唔错。加上邻座有一半系外国人，不断跟住d日本师傅狂呼，仲请饮酒，气氛好唔错，系好满意的一餐，当然有人请客，要再讲多次谢谢咯。
张贴
