影片
更多
2016-04-24
1369 浏览
因为贪小便宜关系拣左5:30-7:30pm时段食晚饭虽然早但都唔少人 餐厅渐渐坐满不过两个人仍然可以坐到卡位食放题多数坐得迫 人少更加与卡位无缘呢到坐得舒服 而且灯光无去开𠮶啲放题餐厅咁暗感觉醒神好多餐厅用貌似锦锂o既鱼做主题 天花墙身周围都有佢地o既存在首先出场系鸡软骨串烧可能因为第一碟 味觉未打开无乜特别要讲 唔觉得好食但又唔会难食之后系日式蟹粥 餐单话呢个系必食本来味觉仲未开 但睇佢个样唔方好食就醒左三分要试真啲粥好稀下 又无乜蟹味唔多知道自己食紧乜 边忽称得上必食呢佢又未至于难食 但知道得呢个水平就悭返个胃好过呢啲都算系饱肚野黎架嘛蟹子沙律实物如图 除左蟹子系沙律酱上面仲可以清晰见到佢个酱系掩盖左九成o既野.....包括味道个酱多到觉得自己净系食梗沙律酱乜都食唔到驶唔驶咁重手 搞到啲野唔好食成本又高左对呢碟野无印象 唔知系自己无食到定系无特色到记唔起北海道带子刺身唔错虽然唔大粒 但至少嫩滑有鲜味先呢盘刺身等得我好苦 差唔多半粒钟先黎因为习惯先队刺身再食热野 所以一日未见呢盘野都未发力叫熟食等左咁耐又唔见得特别好食千岛玉子刺身即系甜蛋 鞋口又硬唔香唔鲜甜𫠒红鱼同油甘鱼刺身唔知系我
因为贪小便宜关系拣左5:30-7:30pm时段食晚饭虽然早但都唔少人 餐厅渐渐坐满
不过两个人仍然可以坐到卡位
食放题多数坐得迫 人少更加与卡位无缘
呢到坐得舒服 而且灯光无去开𠮶啲放题餐厅咁暗
感觉醒神好多
餐厅用貌似锦锂o既鱼做主题 天花墙身周围都有佢地o既存在
首先出场系鸡软骨串烧可能因为第一碟 味觉未打开
无乜特别要讲 唔觉得好食但又唔会难食
之后系日式蟹粥 餐单话呢个系必食本来味觉仲未开 但睇佢个样唔方好食就醒左三分要试真啲
粥好稀下 又无乜蟹味
唔多知道自己食紧乜 边忽称得上必食呢
佢又未至于难食 但知道得呢个水平就悭返个胃好过
呢啲都算系饱肚野黎架嘛
蟹子沙律实物如图 除左蟹子系沙律酱上面仲可以清晰见到佢个酱系掩盖左九成o既野.....包括味道
个酱多到觉得自己净系食梗沙律酱乜都食唔到
驶唔驶咁重手 搞到啲野唔好食成本又高左
对呢碟野无印象 唔知系自己无食到定系无特色到记唔起
北海道带子刺身唔错虽然唔大粒 但至少嫩滑有鲜味先
呢盘刺身等得我好苦 差唔多半粒钟先黎因为习惯先队刺身再食热野 所以一日未见呢盘野都未发力叫熟食
等左咁耐又唔见得特别好食
千岛玉子刺身即系甜蛋 鞋口又硬唔香唔鲜甜
𫠒红鱼同油甘鱼刺身唔知系我叫两样佢净系出一样 定系我唔识分
Anyway总之切得太薄 就算新鲜度唔差都好影响口感
三文鱼厚返少少 但肉质淋左啲 少左柔韧o既口感
大甜虾刺身唔大 但真系好鲜甜 最好食系佢
剑鱼腩刺身
16 浏览
0 赞好
0 留言
见到呢到有即刻冲埋去
但系好失望 唔好同我讲呢旧野系剑鱼腩
无哂口感就黎梅咁济 难得系影相遮到丑
实情好似唔知系边忽边位切出黎头头尾尾o既碎咁
衰到呢......
再叫甜蛋纯粹系其他人未食鲍鱼片刺身有食但无感觉
白海螺刺身同珍珠黑鸟贝刺身食左但唔记得边样打边样
不过肯定系呢两样之中有一样好爽脆
虽然唔够鲜甜 但单凭呢种口感值得一食
芝麻鸡翼炸得几好 外脆内嫩好香系咁多野食之中数一数二好
吉列蚝比较瘦 唔Creamy 无乜蚝味
但系热辣辣炸出黎o既野唔会难食
对呢碟上面o既火焰鳗鱼寿司终于有返记忆但系记得食左同无食都无分别
个味真系太平淡 对味觉毫无刺激
火焰虎虾同火焰蟹棒寿司比较好
轻微烧焦令条脷都感受到香味
不过呢啲都系火焰寿司基本野黎
至于件虾同蟹质素OK
铁板什菌炒野菜几好食 甜甜地加埋上面o既柴鱼夹杂左少少香口o既味
要知道平时食菜系偏淡 所以呢个咁有味就有亮点
但系顶 黎呢啲地方唔系食菜
所以所谓好食都只系食左两三啖
我怀疑呢到啲寿司系有麻痺条脷o既作用食边种都系无乜味o既感觉
呢个海胆亲子卷又系食完觉得无味留低
讲到尾就系啲野唔够鲜甜 麻痺讲笑咩
铁板辛味鱿鱼须甜到呢 黎到我食先啃左两条就放弃之后朋友食话好辣下 我就奇怪明明我食好甜点解人地食系辣
再试就知原来我食面𠮶啲好甜 到佢食底𠮶啲就好辣
哥仔炒得混啲得唔得
仲有呢到啲员工应该系食铁板大 样样铁板野都无铁板 哈哈
呢个紫芋波波系咱一有翻单咬落去烟烟韧韧甜甜 好似食糯米糍
但无糯米糍咁淋 所以口感仲正
配合紫芋o既清甜 又唔会好似甜品咁甜
食一粒真系唔够喉
一向对熟左o既鱼无咩感想食左少少觉得佢无问题就够
烧羊架
21 浏览
0 赞好
0 留言
因为系其他餐厅食好贵 就算叫都只系分到一两件
所以放题必定丧食 但系呢间啲羊差到喊
我一件大一件细都食唔哂
原因系你根本食唔到
多根肉鞋咬唔烂
咬到牙关都攰 放弃吐返一半出黎
唔驶差到咁嘛.........
帆立贝北海烧酱多肉细似饮汁不过中肯啲讲呢件野其他放题都系做得咁上下水平
并唔系呢到特别差
天妇罗: 海虾 南瓜 有机蕃薯
14 浏览
0 赞好
0 留言
海虾、南瓜都唔驶讲个料好唔好味
因为佢啲天妇罗全部淋哂
当你食一啲完全无炸脆口感 就咁一块淋皮包住o既野
里面系点你已经唔想理
除非真系好突出 就好似有机蕃薯天妇罗
因为粒蕃薯烟韧又清甜
本身烟韧o既野就有少少淋o既质感
所以无畀天妇罗个衰皮影响太多
热乌冬系平时超市一饼长方型结左冰𠮶种乌冬难o既乌冬呢种乌冬嚼头比较好 不过系家常便饭野
蒜片牛柳粒应该用镪水级生粉拿过啲肉淋到已经唔似牛肉又太甜
其实要炒o既熟食佢都系用同一只酱
最终碟碟都系差唔多味 好hea
呢粒朱古力布朗尼黎得到食唔到 因为根本无时间食就要走平心而论 放题黎讲佢环境好好 座位宽敞舒服
价钱同其他放题差唔多 埋单平啲纯粹因为今次早食
等同其他放题都有早食迟食优惠
最大问题系食物方面真系唔多掂
当然我唔觉得有边一样去到难食
但剑鱼腩刺身 烧羊架 天妇罗系坚失望
真系算得上好食得两三成 其余六成都系普普通通
野饮选择我觉得以放题黎讲算少同款式普通
最终只系饮左可乐同橙汁
食物唔算好又上得唔快 追左两次单
最尾𠮶半个钟先狂出 我估佢都知你无时间食
所以最后半个钟出o既野有啲会少过叫o既数量
牛柳粒7:24pm先出 一到7:30pm即叫你走
食风咩 都未讲之前廿分钟丧掟出黎𠮶啲未食够
当然佢唔系好无礼貌咁赶你走
我亦都明白游戏规则系食两个钟
但系如果佢用叫我帮个忙让个位出黎
Give a help o既讲法感觉会正面好多
而唔系而家咁 强调我地阻住佢好多客人咁令人反感
当佢苦住块面举起手指住出面好多客人𠮶下
同话我阻住地球转有乜分别
又唔谂下你头一个钟啲野上得咁慢阻住我地球转
问心呢间野不至于劣评 至少佢环境好又唔难食
但系中评都算勉强 又唔系平好多但又无乜边样好食
所以佢处于中评与劣评之间
当一定要拣一样 我最终会因为佢点样"驱逐"客人而选择劣评
byebye你条尾啰~
张贴
