雋園火鍋

营业中

休息中

又系朋友聚会嘅时间，刚巧其中一个朋友提议去隽园，佢话因为好耐冇去，挂住佢嘅炖汤，于是我哋就一行五人，去咗俊园晚饭，是日落大雨，所以人客比较少，首先嚟一杯冻柠茶，我喜欢走甜少冰，茶底浓度刚好，唔会太涩，好味！晚饭开始，首先当然系嚟个炖汤，花胶炖鸡，虽然花胶唔系𠮶啲好厚好厚𠮶种，不过胜在鸡够新鲜又足料，味道好鲜甜，个个都赞！因为大家都系女士，戒淀粉质，所以只叫咗四个清清地嘅𩠌，份量十足，五个人食都要打包，首先清清地嚟过花胶蒸豆腐，仲有一个招牌嘅咕噜肉，仲有一个脆皮鸡，有少少咸味，又不会过咸，味道鲜味，又唔肥腻，跟住嚟个菜，系我最钟意嘅高山椰菜花，完全唔油，但有淡淡嘅鲜味，我哋大家都一致好评！