影片
更多
2021-10-11
1628 浏览
星期六又系我同呀妈撑枱脚嘅日子，两条友废事煮，所以近近哋出咗观塘食。我想食台湾菜，上网揾到一间叫「哥哥添饭•妹妹泡茶」嘅食店，见个名咁过瘾，就一于帮衬吓🤣。小店位处于创纪之城一期地下，即渣打银行大楼𠮶度，个人认为观塘站比起牛头角站行过去近些少。餐厅装修唔错，有一面落地大玻璃窗，整体行小清新路线🌿。餐厅三点后就卖晚市套餐🍱，价钱由$69至$128不等，另外仲有单点食物可选。套餐内容超丰富，有好多细细碟，彷如韩国菜，造型满分💯。沙茶厚豚干拌面($87)，🍜干伴面用上白面条，同刀削面及拉面唔同，口感偏软，𠮶种淋身并非因为煮得过熟而成。捞面嘅配料有溏心蛋、粟米粒、青瓜丝、萝卜丝、菇同埋木耳丝，捞埋食能够提升口感，加点爽脆效果。沙茶酱原来系直接放落面度，味道几香，但如果可以浓味啲同咸啲就更惹味，我食开重口味嘛。最后，🐷厚豚系煎猪扒，分开另上，上碟时经已切件，食用方便。哥哥招牌塩曲鸡拼传统台南香菇虾米油饭($83)，塩曲系指调味料，佢用于腌鸡。🐔鸡系用上类似切鸡嘅连骨鸡件，并非鸡扒，系传统中菜风味。随鸡附有酸辣汁，以及冬菜粒同青瓜丝伴饭食。另一边厢，油饭富有自家特色，🍚饭粒染上酱油啡色，并混入香菇
星期六又系我同呀妈撑枱脚嘅日子，两条友废事煮，所以近近哋出咗观塘食。我想食台湾菜，上网揾到一间叫「哥哥添饭•妹妹泡茶」嘅食店，见个名咁过瘾，就一于帮衬吓🤣。
小店位处于创纪之城一期地下，即渣打银行大楼𠮶度，个人认为观塘站比起牛头角站行过去近些少。餐厅装修唔错，有一面落地大玻璃窗，整体行小清新路线🌿。
餐厅三点后就卖晚市套餐🍱，价钱由$69至$128不等，另外仲有单点食物可选。套餐内容超丰富，有好多细细碟，彷如韩国菜，造型满分💯。
沙茶厚豚干拌面
$87
48 浏览
0 赞好
0 留言
沙茶厚豚干拌面($87)，🍜干伴面用上白面条，同刀削面及拉面唔同，口感偏软，𠮶种淋身并非因为煮得过熟而成。捞面嘅配料有溏心蛋、粟米粒、青瓜丝、萝卜丝、菇同埋木耳丝，捞埋食能够提升口感，加点爽脆效果。沙茶酱原来系直接放落面度，味道几香，但如果可以浓味啲同咸啲就更惹味，我食开重口味嘛。最后，🐷厚豚系煎猪扒，分开另上，上碟时经已切件，食用方便。
哥哥招牌塩曲鸡拼传统台南香菇虾米油饭
$83
86 浏览
0 赞好
0 留言
哥哥招牌塩曲鸡拼传统台南香菇虾米油饭($83)，塩曲系指调味料，佢用于腌鸡。🐔鸡系用上类似切鸡嘅连骨鸡件，并非鸡扒，系传统中菜风味。随鸡附有酸辣汁，以及冬菜粒同青瓜丝伴饭食。另一边厢，油饭富有自家特色，🍚饭粒染上酱油啡色，并混入香菇片，味道恰到好处，香而不腻，软硬度适中。另外，仲有一只煎太阳蛋添。唔知我有冇听错，店员好似话可以添饭！
前菜有三款，会因应时令供应更改。🦐椒盐爆溪虾细细粒，用上椒盐爆香，连壳食埋酥脆无比。苦瓜经蜜糖腌制后，苦度所剩无几，得返甜味。渍物拼盘有三味，牛蒡最为入味兼好食。
卤肉青菜
12 浏览
0 赞好
0 留言
饮品方面，跟餐嗌台式饮品可享$10优惠🈹。我哋要咗有时候想喝红豆奶茶(原价$28)以及玉桂苹果紫罗兰(原价$35)，两杯均系冻饮。奶茶口感顺滑，唔会太甜，红豆如果煮得淋啲就更佳。花茶劲重玉桂香，几正😍。由于饮品放咗原条玉桂木，所以都真系几浓味吓，介意者勿点。紫萝兰作为茶底，味道偏甘苦。
总括嚟讲，呢间新派台菜馆唔错㖞🇹🇼。套餐除咗摆盘五彩缤纷之外🌈，内容坚系丰富，而且无论前菜定主食都有返咁上下水准。餐牌菜式选择多，我仲有好多嘢想食，一定会再嚟帮衬！
张贴
