影片
更多
2019-03-03
2495 浏览
情人节正日食饭就一定喺贵，趁住姨仔去咗旅行，唔使预佢饭𩠌，所以，两公婆预早少少出街食，当喺庆祝情人节。自从荔枝角有咗D2 Place，感觉呢区好似「活化」咗好多，食肆嘅选择亦多咗好多。今晚拣嚟「 Holly Brown Coffee Roasters 」，一来未试过，二来又有啲五折推广。餐厅位处商场地下，一边铺面向街，好易认，而且，地方大，楼底又高，空间感足，装修带点工业风，配合调暗咗嘅灯光，气氛蛮好。又有一对女子组合自弹自唱，令用餐嘅感觉真喺几好（门口有块小黑板会写住边日有现场伴奏）。唯一唔好喺枱櫈编排有啲密，我哋喺4人枱拆出嚟嘅，变相同隔离嘅二人枱喺零距离，好似去咗麦记咁。除咗餐厅嘅名字加上「Coffee Roasters 」，又见佢哋摆咗部炒豆机做装饰（我估无实际用嚟炒豆啩），所以，对其咖啡嘅产品抱有好大期望。先介绍吓有咩食先，因为成餐厅嘅灯光都比较暗，所以，影出嚟嘅餐牌效果都喺麻麻，所以，靠少少文字补充。菜式分类为早餐、汤类、头盘、沙律、汉堡、意粉、意饭、薄饼、主菜、甜品、窝夫及饮品，选项不少。至于文初话晚市有五折优惠，其实都好条件性，详情喺咁嘅，星期一至五6:00pm后，以人
餐厅位处商场地下，一边铺面向街，好易认，而且，地方大，楼底又高，空间感足，装修带点工业风，配合调暗咗嘅灯光，气氛蛮好。又有一对女子组合自弹自唱，令用餐嘅感觉真喺几好（门口有块小黑板会写住边日有现场伴奏）。唯一唔好喺枱櫈编排有啲密，我哋喺4人枱拆出嚟嘅，变相同隔离嘅二人枱喺零距离，好似去咗麦记咁。
除咗餐厅嘅名字加上「Coffee Roasters 」，又见佢哋摆咗部炒豆机做装饰（我估无实际用嚟炒豆啩），所以，对其咖啡嘅产品抱有好大期望。
先介绍吓有咩食先，因为成餐厅嘅灯光都比较暗，所以，影出嚟嘅餐牌效果都喺麻麻，所以，靠少少文字补充。菜式分类为早餐、汤类、头盘、沙律、汉堡、意粉、意饭、薄饼、主菜、甜品、窝夫及饮品，选项不少。
至于文初话晚市有五折优惠，其实都好条件性，详情喺咁嘅，星期一至五6:00pm后，以人头计，凡每人点一杯正价饮品，除咗甜品，所有食物都有半价优惠，但加一会按原价。佢哋啲饮品本身唔平，好似啲咖啡咁，就贵过星巴克喇，好多人嚟Holly Brown，都喺贪试佢哋啲甜品，所以，抵唔抵视乎你嚟食啲乜，千祈咪见半价就一定以为好抵。
鲜奶咖啡 $46正因佢个店名，先刻意嗌杯鲜奶咖啡，不过，真喺有啲失望，拉花就唔评论，因为大家都有眼睇。咖啡入口完全唔得，奶泡跟浓缩咖啡并无完全撞埋一齐，饮多几啖，你就会感觉到味道唔均匀嘅感觉。
黑糖桂圆玫瑰果茶 $65老婆就拣咗养生少少嘅果茶，以壶上，睇落壶中都几真材实料，饮落较突出喺玫瑰花香味，而且嚟自姜嘅辣味又几劲，反而，桂园味真喺欠奉。饮到尾，一切迷底都鲜开，里面确有唔少玫瑰花及姜片碎，但龙眼就得𠮶几粒。
牛油果蟹肉沙律 $128两款饮品就未有预期般好，但呢个沙律好食，一来估唔到份量有番咁上下，二来，坚多牛油果同蟹肉，明知都喺罐头蟹肉，但咸鲜味唔失礼，而牛油果够熟够腍，好滑身，配合埋大量火箭菜、蕃茄、樱桃萝卜，淋上有啲似蜜糖介末嘅酱汁，喺值得推介嘅菜式。
牛油果蟹肉沙律
$128
19 浏览
0 赞好
0 留言
白酒汁煮蓝贝青口 $128谂住个沙律咁正，其余两道菜嘅水准应该唔差得去边，但先喺个蓝贝青口，味道好普通，不过，就仲未需要用个差字嚟形容。其实，卖相唔差，啲青口大大只，份量唔少，又配上两件香脆嘅蒜蓉多士，但青口虽然厚肉，却喺入口无乜味，个汁完全唔觉有白酒香。
蟹肉芦笋南瓜汁意大利饭 $168睇落碟意大利饭似乎几掂咁啦，原来得个样。食意大利饭最重要喺乜？小弟就认为喺其咬口嘅口感，但食落去就知比普通一碗白饭都仲要腍身，更唔好讲有咩烟韧感；其次，饭粒望落够湿润而一片金黄，点知南瓜味好淡薄；至于啲蟹肉，喺混入晌饭粒内，感觉比上面嘅沙律为少，因为食完都唔觉得有几多蟹肉。
由于个场都几大，只得3个侍应，有人手不足之感，服务只可以喺叫到先做，临尾，仲计错收多一碟杂锦拼盘嘅钱，好在有认真对单。而且，好似我哋咁，两个人安排二人枱，正常不过，但就唔理实际情况，乜食物都快速上晒枱，但张枱又细㖞，堆到啲嘢就跌就跌咁。再者，佢哋嘅食品定价偏高，但质素又未喺好高，若唔喺有个优惠，埋单要近六百，卒之明白点解有咁多负评，以及唔怪得平日要靠五折嚟吸客嘞！
张贴
