四季菊日本餐廳

营业中

休息中

之前有听过朋友话呢度几好食，既然要同客食lunch就试吓呢度啦，早一个星期book位，服务员好有礼貌喺电话问我需唔需要private room, minimum charge $3000, 我哋一共六位，不过我打算causal啲就话唔使啦，不过嚟到我就后悔啦! 因为环境真系几嘈，lunch好多人加上铁板烧渣渣声，呢度讲紧一个lunch set都$5-6-700所以我哋六个人真系应该坐private room可以静少少。同枱嘅所有人全部都系点铁板烧set lunch $620，得我点咗怀石料理bento $720。先来系普通到冇得再普通嘅沙律，之后starter系食落又似豆腐又似蛋加上ikura，然后就系两种sashimi，食落都算新鲜，不过我个人钟意食啲肥美啲嘅鱼生。Bento终于黎啦，卖相都唔错，四样嘢系右上格嘅牛柳最好味，入口即溶，食完其实我都已经后悔点解自己唔食铁板烧。其他嘢唔差，但又未去到好好味。呢个$800嘅lunch 喺中环食日本野已经可以食到好好食嘅omakase。总体来讲呢度性价比低，只系食地点，系同客食饭我先至会嚟食。