Tapa Room (已結業)

经过开尖沙咀，见到呢一间餐厅几有格调，就带男朋友上嚟食个下午茶先。一出lift，靓到哗左一声，有好多五颜六色既水滴型嘅吊饰。另外要赞一赞餐厅嘅防疫意识，每张枱都配备左一大支酒精搓手液，方便食客！依家讲吓今日食嘅菜式啦薄切慢煮八爪鱼有少少酸酸地，几fresh，作为前菜一流！海葡萄出名好有益，餐厅仲毫不吝啬俾咗好多。棒棒鹅肝开头以为会好油腻，但食完一大啖配上一小啖既sake，居然咁夹！口中嘅油腻感完全消失！鹅肝口感好滑，我自己钟意每一啖都再加啲果仁碎，同埋好欣赏佢嘅摆盘，用嚟打卡真系一流！去到我今日最钟意嘅系西班牙黑毛猪火腿及柚子蜜茄子卷！两野完全唔关连嘅嘢放埋一齐，配上柚子醋汁，真系值得推介！面头的黑毛猪火腿既咸香配上淡口既茄子，完全中和哂，茄子入边仲放咗啲空心菜，增加左成碟菜式嘅口感！ 仲有西班牙薯仔蛋饼配日式明太子又系一款令我十分惊艳嘅菜式，蛋好厚实，蛋味浓，切开入边系流心之余仲有一粒粒薯仔。两个人share啱啱好嘅份量！餐厅嘅甜品拼盘都几多样化，菓茶水信玄饼其实好似啫喱咁样，唔太甜之余仲好清新，一解腻感，至于西班牙炸油条炸到十分脆口，但又不失烟韧，淋上浓郁嘅朱古力酱，真系好正！肉桂