海景軒

营业中

休息中

8/12/2022 星期四，今日同朋友约好一齐食午餐，想悠闲舒服，就拣咗呢间五星级酒店的中菜厅。餐厅安排咗一个半开放式VIP房的清静位置，方便倾偈，不受骚扰，好细心。午餐我哋选咗五款点心，有：-虾饺，虾饺大大只，新鲜弹牙好咬口。瑶柱豆苗饺，好有特色，又好食😋蜜汁叉烧包，面包皮松软食落不黐牙，配合蜜汁叉烧，好美味。状元煎茶粿，我未食过咸茶粿，原来咁好食。带子肠粉，肠粉皮滑，唔厚😋再叫咗：鲜蟹肉桂花炒粉丝，厨师功力，炒得有镬气，唔油腻，好正。最后梗系要食埋甜品啦，各款甜度适中：-黄金脆奶卷，真材实料，有鲜奶味。莲子红豆沙，红豆丰富。蛋白杏仁露，蛋白嫩滑，谂起都好回味😋服务员态度友善，餐厅环境清幽，又够阔落，够私隐，大家安心进饍，值得推介。