影片
更多
2018-12-22
692 浏览
菠萝葡萄分子料理（赠送）🌕🌕🌕🌕🌗口感系好绵密既细泡，入口即溶，虽然清新，但味道好浓郁，菠萝味最出，好似食左一整个菠萝咁，系味蕾上既享受。-加左$32转套餐，有餐汤同饮品。1987’s 法式龙虾汤🌕🌕🌕🌕🌕本身只配普通餐汤，但店员话like佢地ig或Facebook page就可以免费升级龙虾汤同牛肝菌汤！！OMG，真系超抵！碗龙虾汤好似浓缩左8只龙虾咁，爆鲜味，而且食到有虾膏味，神级正！-牛肝菌汤🌕🌕🌕🌕🌕呢个好饱肚，原因系汤入面有好多切碎左牛肝菌，大细岩岩好，唔洗咬好耐就吞到，而且饮落个汤仲鲜啲tim。-蕃茄汁🌕🌕🌕🌕🌑我个人爆爱蕃茄，所以叫左呢杯蕃茄精华。-菠萝汁🌕🌕🌕🌕🌗最岩小清新既你地，清甜～仲有苹果汁同橙汁简，而且个烧杯几靓同好大杯！打卡一流。-餐包 （赠送）🌕🌕🌕🌕🌗薄切，食哂唔会太饱，最怕餐包劲大旧，食完饱左一半，唔食又浪费，呢间唔会有呢个问题。餐包边位好脆，内心好烟韧，真系愈咬愈爱。包既气孔大，可能有人会话唔够绵密，但我觉得呢个系优点，食落唔会太饱。个餐包点乜都正，配搭埋啲汤一齐食仲正！-焗蟹饼配芒果莎莎及红波椒汁 $128 *🌕🌕🌕🌕🌖蟹饼系原只蟹新鲜拆肉，好难得入
🌕🌕🌕🌕🌗
口感系好绵密既细泡，入口即溶，虽然清新，但味道好浓郁，菠萝味最出，好似食左一整个菠萝咁，系味蕾上既享受。
-
加左$32转套餐，有餐汤同饮品。
1987’s 法式龙虾汤
🌕🌕🌕🌕🌕
本身只配普通餐汤，但店员话like佢地ig或Facebook page就可以免费升级龙虾汤同牛肝菌汤！！OMG，真系超抵！碗龙虾汤好似浓缩左8只龙虾咁，爆鲜味，而且食到有虾膏味，神级正！
-
牛肝菌汤
🌕🌕🌕🌕🌕
呢个好饱肚，原因系汤入面有好多切碎左牛肝菌，大细岩岩好，唔洗咬好耐就吞到，而且饮落个汤仲鲜啲tim。
-
蕃茄汁
🌕🌕🌕🌕🌑
我个人爆爱蕃茄，所以叫左呢杯蕃茄精华。
-
菠萝汁
🌕🌕🌕🌕🌗
最岩小清新既你地，清甜～仲有苹果汁同橙汁简，而且个烧杯几靓同好大杯！打卡一流。
-
餐包 （赠送）
🌕🌕🌕🌕🌗
薄切，食哂唔会太饱，最怕餐包劲大旧，食完饱左一半，唔食又浪费，呢间唔会有呢个问题。餐包边位好脆，内心好烟韧，真系愈咬愈爱。包既气孔大，可能有人会话唔够绵密，但我觉得呢个系优点，食落唔会太饱。个餐包点乜都正，配搭埋啲汤一齐食仲正！
-
焗蟹饼配芒果莎莎及红波椒汁 $128 *
🌕🌕🌕🌕🌖
蟹饼系原只蟹新鲜拆肉，好难得入面完全无碎壳，唔散，食得好放心！煎香4边既蟹饼on top加左新鲜芒果同小小蟹籽，增添左口感，味道几夹几特别，可以带出蟹肉既鲜味。芒果一啲渣都无，搞到我以为系芒果布甸，劲清甜啊！红椒汁食落淡出好清既红椒味，点埋食又一味觉享受！
-
新鲜波士顿龙虾 （热溶芝士焗）$288 *
🌕🌕🌕🌕🌕
几大只，而且极新鲜，食落唔似雪藏龙虾！龙虾口感爽口弹牙，可以媲美一个8岁小孩既肌肤，轻轻一拉就可以起到成条肉，蟹箝肉多到食落超幸福！超满足！伴碟焗薯同沙拉一啲都唔求其，好饱好正！
-
慢煮红酒烩牛仔粒意粉 $118 *
🌕🌕🌕🌗🌑
呢个有小小失望，蕃茄味几出，意粉都软硬适中，但牛仔粒因为切得太细旧，所以好易熟，一熟就好硬而且无味，好似煲完汤既汤渣咁。食到有一旧稍为大旧啲既肉，好腍好软糯。所以我觉得系部位既问题，如果肉切大旧啲，或转用牛脸颊，整体会好好多，就算贵小小我都无所谓。
——
*需加一
我觉得10%好抵比，因为服务真系好到位同贴心，因为我地share食，每食完一个𩠌都会帮我地换碟！五星级服务。／／环境有feel，播既歌走欧美风，好有情调。仲有块黑色镜，影倒影都一流，黎紧圣诞系度庆祝都唔错！
张贴
