匠心廚房 (已結業)

依间由5星级酒店大厨主理嘅中菜，最近由美孚搬咗去尖沙咀，主要以粤菜同京川沪菜为主。鲜茄鱼汤龙趸球有得拣酸辣同走辣，配菜有酸菜、金菇、粉丝等，加埋蕃茄汤，酸味醒神非常开胃。龙趸球嫩滑结实，连埋丰富胶质嘅龙趸皮，鱼味好浓郁。蒜芯酱爆花甲肉蒜芯非常之柔嫩，完全冇渣。花甲肉唔连壳，啱晒我依啲嫌麻烦嘅人，可以每次大啖大啖咁放入口，配合埋XO酱，香辣惹味，送饭一流。笼仔排骨蒸陈村粉将排骨放喺陈村粉上面蒸，排骨非常软腍入味，而陈村粉吸收晒排骨嘅精华同蒜茸汁，味道非常丰富。更以荷叶垫底，透出淡淡荷叶清香。