雲海日本料理

营业中

休息中

朋友生日想食铁板烧，拣咗呢间bookmark咗好耐嘅餐厅。餐厅以前做铁板烧放题所以长期爆满，今次早几日预约已经留到铁板烧座位。餐厅喺五星级酒店入面，环境高级优雅，铁板烧座位私隐度高。点了海鲜铁板烧午餐$500，因为有Marriott餐饮会籍嘅关系有75折。头盘刺身新鲜质素高。五星级酒店来讲，海鲜食材比较普通，有虎虾、带子、三文鱼、银鳕鱼，主要系冰鲜并没有生猛或贵价食材。但胜在现场即整即食，烹调发挥得不错，味道有中上水平。虎虾鲜甜又弹牙😋带子似系日本急冻带子，非新鲜元贝炒饭超大碗又够镬气。我地两个女仔都成碗食晒。套餐份量好足，可惜冇包甜品美中不足。甜品要另外单点约$100，可免费加生日牌，我哋最后冇叫到。有Marriott会籍折扣和现金券嘅关系，埋单一共$700两位，性价比超值。整体环境同服务都好加分，同朋友坐足一个下午冇赶我哋走。