影片
更多
2018-11-07
185 浏览
由北角站B4出口，走入呢条巷弄，唔难发掘到或大或小既餐厅，而每一间或者都会比到你惊喜。今晚系纪念日，我地黎到呢间装修型格，灯光昏暗有浪漫情调既餐厅去庆祝。店舖唔大，但充满性格，行意大利小餐馆既风格，墙上贴满相，餐具一排排咁放好，仲每枱都有一只杯装住灯泡。当时六点钟，餐厅冇乜人，但去到七点左右舖里舖外都坐满人，足以证明餐厅的质素。餐牌选择都几多，而且唔会行货。今晚我地点左几样佢地既推介。先黎既系前菜 - 烟熏鲜蟹肉玉子烧上碟时店员连埋个胶盖比我地话一分钟后先拎起，所以我地好乖咁等左一分钟。打开后有一阵烟飘出黎，类似干冰既效果几𥄫睛。蟹肉感觉新鲜甜美，玉子烧食落热热地一层层咁似系日本寿司店食到果种，烟熏既味道加落岩岩好熟成既玉子上面好夹无几耐之后就上左 - 新鲜柠皮炸鸡翼一上菜就已经闻到好清新既柠檬香味，呢道菜特别在于佢唔系好似坊间咁额外点柠檬酱去将佢变成柠檬味鸡翼，而系真系用左柠檬皮去腌只鸡翼，令到食落啲鸡肉系有柠檬香重头戏 - 原板海胆配黑松露蟹膏意大利饭每样食材先试一口，都已经食到佢地既鲜甜海产味，再按店员讲既方法将黑松露，risotto同蟹膏捞匀，用紫菜包住一匙饭上面舖上海胆，呢个
今晚系纪念日，我地黎到呢间装修型格，灯光昏暗有浪漫情调既餐厅去庆祝。
店舖唔大，但充满性格，行意大利小餐馆既风格，墙上贴满相，餐具一排排咁放好，仲每枱都有一只杯装住灯泡。
当时六点钟，餐厅冇乜人，但去到七点左右舖里舖外都坐满人，足以证明餐厅的质素。
餐牌选择都几多，而且唔会行货。今晚我地点左几样佢地既推介。
先黎既系前菜 - 烟熏鲜蟹肉玉子烧
上碟时店员连埋个胶盖比我地话一分钟后先拎起，所以我地好乖咁等左一分钟。打开后有一阵烟飘出黎，类似干冰既效果几𥄫睛。
蟹肉感觉新鲜甜美，玉子烧食落热热地一层层咁似系日本寿司店食到果种，烟熏既味道加落岩岩好熟成既玉子上面好夹
无几耐之后就上左 - 新鲜柠皮炸鸡翼一上菜就已经闻到好清新既柠檬香味，呢道菜特别在于佢唔系好似坊间咁额外点柠檬酱去将佢变成柠檬味鸡翼，而系真系用左柠檬皮去腌只鸡翼，令到食落啲鸡肉系有柠檬香
重头戏 - 原板海胆配黑松露蟹膏意大利饭
每样食材先试一口，都已经食到佢地既鲜甜海产味，再按店员讲既方法将黑松露，risotto同蟹膏捞匀，用紫菜包住一匙饭上面舖上海胆，呢个应该系我食过最出色既risotto
厨师利用左本身食物最原始天然既味道加落饭度，而唔系用一大堆酱汁加落去呢个做法好聪明。另外饭都煮得软硬适中
烧美国猪鞍配新鲜薯角及沙律
上菜时店员好贴心咁提醒我地要食左呢道菜先因为冻左啲猪会变un。呢道菜又系无乜靠酱汁去加味，变相我地会食到食材天然既味。猪岩岩烧起够哂热，软硬适中，肉冇膻味，肉汁仲锁得好好。薯角果然系新鲜，唔会食到街外薯角既粉状。
Fruit tea略甜，因为水蜜桃味好重，如果真系有新鲜生果系里面就好喇
可惜今晚未必食到tiramisu因为只有cheese cake，希望餐厅可以考虑整个甜品menu比客人选择啦！
张贴
