影片
更多
2013-10-18
98 浏览
天后已成为另一个寻找美食小区，单单一条短短嘅电气道（只计天后，唔计北角一截），已有超过50间食肆，咩菜系都有，平有平食，贵有贵食。今晚跟食友嚟到「阿糊米线」，可以话平得嚟又食到好嘢，抵得得嚟又有特色，佢哋几款主打嘅招牌米线，又确实颇有心思。云南米线铺依家开到成行成市，要突围又实在唔客易。睇番「开饭喇！」嘅资料，「阿糊米线」前身叫「阿糊云南米线」，卖嘅跟坊间米线铺差唔多，所以早几个月休业重开，实行嚟个形象大革新，一于洗去传统、老土旧式嘅格局，将成间铺变得焕然一新。门口大大个鲜黄色「阿糊」商标，已甚为抢眼，一室摩登、新潮嘅装潢，简洁企理，无一般旧式米线铺又窄又逼。唔止形象革新，店名去除咗「云南」二字，就喺少啲束缚，务求米线都要起起革命。再者，客人俾钱唔喺食装修，食物质量至喺硬道理，所以，阿糊精心炮制别出心裁嘅五色汤底，务求杀出新血路。五色唔喺指5种颜色，而喺5种特色：「阿糊金汤米线 $30」、「金银蛋芫茜汤米线 $30」、「川味酸辣米线 $25」、「鲜茄杂菜汤米线 $25」、「上汤时菜汤米线 $20」，当然总有人唔喜欢食米线嘅，可改选乌冬或公仔面，不过，据介绍米线喺揾本地面厂新鲜制作，粗幼
云南米线铺依家开到成行成市，要突围又实在唔客易。睇番「开饭喇！」嘅资料，「阿糊米线」前身叫「阿糊云南米线」，卖嘅跟坊间米线铺差唔多，所以早几个月休业重开，实行嚟个形象大革新，一于洗去传统、老土旧式嘅格局，将成间铺变得焕然一新。门口大大个鲜黄色「阿糊」商标，已甚为抢眼，一室摩登、新潮嘅装潢，简洁企理，无一般旧式米线铺又窄又逼。
唔止形象革新，店名去除咗「云南」二字，就喺少啲束缚，务求米线都要起起革命。再者，客人俾钱唔喺食装修，食物质量至喺硬道理，所以，阿糊精心炮制别出心裁嘅五色汤底，务求杀出新血路。五色唔喺指5种颜色，而喺5种特色：「阿糊金汤米线 $30」、「金银蛋芫茜汤米线 $30」、「川味酸辣米线 $25」、「鲜茄杂菜汤米线 $25」、「上汤时菜汤米线 $20」，当然总有人唔喜欢食米线嘅，可改选乌冬或公仔面，不过，据介绍米线喺揾本地面厂新鲜制作，粗幼恰好，入口滑溜，无理由新鲜好嘢唔拣架。「五色米线」选定款式，可自行加配料，近30款，分 +$5、+$8、+$12三个级别，唔想烦，如小弟咗懒，店方亦以五色米线设定咗5款招牌推介，下文再详细介绍。
为照顾客人嘅需要，以及港人喜欢多选择嘅特性，店方除米线以外，仲有双拼饭（10款）、小食（26款）及饮品。此外，米线或双拼饭可以 +$5 配送汽水一罐，+$8 配送豆浆一杯，+$10 配送阿糊红红黑奶茶。最有趣喺小食又可以变套餐，只要乖乖咁奉上20个大洋，就附送香饭 / 肉燥饭 / 炸酱饭及汽水，挺划算嘅安排！
如果两个人嚟，再懒啲，叫二人餐喺必然之选，A餐卖$178，B餐卖$148，已包3个小食，2个主食，饮品及甜品，睇睇份量，相信3个人都够晒食！阿糊红红黑奶茶 $15
天口仲热有啲渴，饮杯阿糊红红黑奶茶凉快吓先！红红黑喺乜，就喺红豆同烧仙草，咁烧仙草又喺乜，咪凉粉啰，哈哈。用胶杯盛载，以胶膜封实，常见嘅台式冻饮，因为成杯预制好放入雪柜雪冻，原汁原味，绝唔会越饮越淡，而且少甜，边饮边吮（红豆 / 凉粉），好啱饮。
一般米线铺都只喺卖三几款小食，既然要革新，小食都唔可以求其，但多到有成26款就有啲估佢唔到，而且有好多特色选择，例如：阿糊羊腩、糖醋烤骨、孜然鸡翼、紫菜素鸭、台湾辣肉肠……，真喺样样都想试。菜肉饺子 $18
一客4件，粒粒包得饱满，炸得金黄。一咬咔嚓一声，外层十分香脆，白菜、猪肉所做嘅馅料，算喺平均，调味适中。
盐酥鱿鱼 $38
虽然无逐条逐条数，但一客有唔少，条条炸得「匀巡」，粉浆薄薄，盐酥惹味得嚟无过咸，入口又唔油腻，鱿鱼须几有「肉地」，柔软唔会炸到干争争，送酒小食佳品，值得一试。
蒜香炸猪手 $38
猪手食得多，估唔到眼前份蒜香炸猪手咁正，有啲意外惊喜。原来猪手先用卤水煮过，泡油之后再洒上大量金蒜，食落外皮甘脆，有嚼劲又入味，金蒜更带嚟多一番层次嘅味道；而皮下嘅脂肪富胶质，几黏口，好似食咗成匙羹骨胶原咁。
阿糊红油白肉 $38喺餐牌未有嘅菜式，只喺贴晌枱上嘅「期间限定」新菜，限定推出，试试水温，好卖就再列入餐牌。实物无想像中咁肥，肥瘦相对嘅五花腩切得好薄好薄，入口一啲都唔会觉得佢好肥，又因为已经用卤水卤过，再淋上辣椒红油，食起嚟好有风味。
麻辣口水鸡 $38
最后一道送上嘅小食，鸡肉皮薄肉滑，鲜嫩味美，据介绍喺用上120日大嘅海南鸡，货源跟「泰国人海南鸡」一样，原来大家均属同一集团，唔怪之得「阿糊」隔离就喺「泰国人」啦。鸡好都要有好酱汁衬托，酱汁轻辣，辣中带麻，小弟都可以入口，所以唔算好辣，而且晌上面糁满花生碎、芝麻粒，添口感，又添香味！
上文讲过基本新推出嘅五色汤底，可谓精心炮制，店方以五色汤底为基础，再加入三数款𩠌料，设定出5款招牌米线推介，依家就同大家分享一下。
阿糊金汤饺子鸡米线 $58何谓「金汤」，原来以喇沙作为汤底，再加入菜肉饺及海南鸡，真喺非常有创意。可能你会疑问佢啲喇沙汤底掂唔掂？小弟都有咁谂过，但当你知道佢哋背后母公司喺做泰国食品代理，拣手食材、香料，要揾靓货一啲唔难，所以都将啲新鲜香料架在墙上当装饰，故此做出嚟嘅汤底浓郁唔马虎，鸡汤、咖喱、椰香够平衡，唔会过辣，又带点点甜味。鸡件鲜嫩唔再多讲，饺子饱满多馅，仲加配卤水蛋同豆卜，最正喺豆卜吸满汤汁更添惹味。
金银蛋素鲜菌芫茜汤米线 $48
5款之中，以依个芫茜汤底最清最健康，清热又下火，汤底鲜甜，芫茜味够强势，不过芫茜朕味就唔喺人人啱。𩠌料有皮蛋、咸蛋、豆腐、鲜菌，颇丰富，好适合素食者。
鲜茄鸳鸯肉片杂菜汤米线 $43鲜茄汤底一向都好有市场，但做得好味唔容易，阿糊嘅鲜茄汤底真喺不俗，茄味自然，又够浓郁，酸香醒胃，捞一捞仲有好多蕃茄肉、甘笋、洋葱……等等，制作用心有诚意。配上杂菌、牛肉片及猪肉片，切得大片，又够腍滑，仲有用料不赖。
川味炸酱牛肉酸菜米线 $43无论卖相、味道都较似传统云南米线，故此见到有埋芽菜、鲜腐皮，嗜辣者绝对要拣依款米线，因为辣度十足，原来有大、中、小辣，总之就减减辣，唔使食到冒汗。配料都好正，有辣味肉燥、牛腩、酸菜，全部都属于重口味，减啲辣就好合小弟口味。
至尊三卤上汤时菜米线 $38另一款汤底较清嘅米线，只喺上汤时菜，不过就无芫茜汤底咁素，因为配菜喺全肉，所谓三卤，道喺香菇肉燥、腩肉同猪大肠，仲醒多半只卤蛋添。将香菇肉燥跟上汤捞匀，味道变得不一样，汤底变得更香，多几分惹味，而腩肉入味松软，喺肥肉稍多；至于猪大肠，烟韧爽口又唔膻，兼且少肥，唔错！
部份食友意犹未尽，决意整多过双拼饭，双拼饭其实喺以肉燥饭做胆，再配另一款𩠌料，如原汁牛腩、台湾辣肉肠、脆皮豆腐……等共10款，而我哋就点咗瑞士鸡翼双拼饭。瑞士鸡翼肉燥饭 $38
一碟饭有三大只瑞士鸡翼，配以软熟嘅白饭，伴啲时菜，再淋上肉燥，卖相普普通通，但估唔到微甜嘅瑞士鸡翼味道不俗，肉燥亦好浓香，又淋得够多，真喺捞饭一流。
睇嚟今次改革，虽然一样卖番米线，但晌用料、配搭、创意方面，都有心有斗志；跳出框框，但又唔会太乱嚟，几道招牌米线推介，仲甚有惊喜，天后区嘅朋友可能又多一间饭堂食店。
张贴
