泰發泰國餐廳 (滿利大廈)

营业中

休息中

啱啱喺元朗买完老婆饼，有啲肚饿，但又无理由用老婆饼充饥㗎！见到有间叫泰发嘅泰国菜。青咖哩牛肉，青咖哩香气扑鼻，一嚟到就闻到香味，而且好足料，牛肉大大旧，食极都仲有，茄子同一般嘅茄子唔同，系绿色嘅，咬落好爽口，唔错！印度薄饼，食泰式咖喱点可以冇薄饼，酥脆嘅口感配上淡淡嘅奶油香，再点埋青咖哩，绝配！泰式芒果蟹肉炒饭，师傅火候控制得好好 ，炒饭粒粒分明，调味得宜，就咁食又得，捞埋咖哩嚟食亦得，得咗！芒果糯米饭，糯米饭整得好有心思，每只颜色都系唔同味，白色系原味，紫色系紫米，浅蓝色系碟豆花，绿色系斑斓味，黄色系芒果味，同隔离嘅新鲜芒果相比下，芒果味冇咁重，有微香。椰汁冰，食完浓味嘢，再饮啲一样咁浓嘅椰汁冰，正！龙眼冰，清凉解渴，可以中和返。