古今二 (觀塘工業中心)

营业中

休息中

好多朋友讲过都话哩间好食，今日终于抽到时间约朋友聚聚，顺便潮圣一下，去到门口见到店铺装修有一种型格既工业风。龙卷风沙律($68)，非常大份，女士必食之选，将材料切成丝，底下铺住生菜，一软一爽口既口感好丰富，健康得黎又好味。古今日式饺子($40)，饺子煎得香脆，馅料既肉锁得住肉汁，食落带少少姜味。黑豚荔枝卷串烧($38)，创意小食，一般比较少菜式用水果做热食，豚肉卷住荔枝肉出奇地几夹，咬开荔枝爆出荔枝汁，甜甜地，加埋肉既咸香，而且一冷一热既口感不错。主角两款卷物出场啦。蜘蛛($85)，软壳蟹配卷物简直绝配，酥脆香口，尽可能一口放晒入口，因为馅料不易一咬就甩。忘不了您($88)，面层既酱汁真系无得顶，甜甜辣辣咁非常惹味，最内层系炸牛肉，食左一啖发觉有脆口既口感，细心一睇，原来牛肉系沾上左粉浆再炸，所以饭和牛中间有一层脆口炸粉浆。超级龙卷风($88)，最后再order多一款卷物，另一创意料理，馅料除左用上炸虾和鳗鱼之外，面头再晒上薯片碎，有助提升口感，而且系我最喜爱既芝士味。